Deseóvos unes mui felices fiestes navidiegues y que'l añu viniente vos seya prósperu gayoleru y productivu.
Robra:
Santiago
¡Eso!
¡y tamién que seaes bien felices!
Robra:
El Demoniu Manegueru
23/12/13
19/12/13
Nun requexu ente payes
Nun requexu ente payes
ta’l rei del cielu,
la lluna y les estrelles
nagüen por velu.
Una pastora fízo-y
unos calcetos
San Xosé quierlos blancos
la Virxen prietos.
Y ond’l portal
ñevando ta,
canciái rapazos
que ye Navidá.
Un neñu llevó-y ñueces
miel y mantega
y cáncia-y seliquino
pa que se duerma.
La lluna y les estrelles
nagüen por velu
al neñu qu’ente payes
ta nun requexu.
Y ond’l portal
ñevando ta,
canciái rapazos
que ye Navidá.
18/12/13
Les mas de caún o caúna.
Nestes feches quiero facer un homenaxe a la mio ma y por ello tamién a toles mas del mundu.
Voi valime de les palabres d'Aurelio González Ovies nel llibru "Mio ma", espero me consienta esti robu.
"Mio madre nun sabía idiomes
pero yera tan mimosa…;
dicíame que con enfotu
pues algamar cualquier cosa."
17/12/13
Un villancicu
El Demoniu Manegueru
Por ciertu, esta llambionada ye típica destes feches ¿sabes lo que ye?, sabes la so receta?
“Baxen los pastores”.
Ta ñevando nel monte,
nueche de Navidá
y yá baxen los pastores
que van camín del portal.
Cuntamos, pastorina,
que lleves nel morral.
-Unos cuantos carambelos
que, de xuru-y van prestar.
Xosé ta mui contentu,
María muncho más,
y embobaos miren pal neñu
que ye un cachín de coral.
Tocái les panderetes,
nun dexéis de canciar
y poneivos percontentos
porque llegó Navidá.
16/12/13
Xosefa Xovellanos I
Entamamos esta xera: Xosefa Xovellanos, "Una muyer de lletres". Nella estudiaremos esta gran muyer destes dómines, el tiempu que-y tocó vivir, la so obra y el papel de la muyer nestes feches.
Pon procuru a ver si yes quien acolumbrar los detallucos que aquí se cuenten.
Si señales na semeya colarás pa un enllaz bien prestosu.
Si señales na semeya colarás pa un enllaz bien prestosu.
Los tres Reis por Nuberu
Esti ye un cancíu del grupu asturianu Nuberu. Espero vos preste tantu como a mí.
LOS TRES REIS MAGOS
Vienen tres Reis (Reyes) Magos
per xuntu al ríu.
Vienen dende perlloñe (mui lexos),
muertos de fríu.
Van caminando per un camín
Van entrugando por un rapacin.
Unu yera pervieyu (mui vieyu),
otru, medianu.
Otru yera un buen mozu,
yera asturianu.
Van caminando per un camín
Van entrugando por un rapacin.
El más vieyu de toos,
dixo tremando (temblando).
Si nun llegamos ceu (pronto)
vamos xelanos.
Van caminando per un camín
Van entrugando por un rapacin.
Entós el más mozu
dixo perseriu (mui seriu).
Aguanto bien el fríu
por ver al neñu.
Van caminando per un camín
Van entrugando por un rapacin.
per xuntu al ríu.
Vienen dende perlloñe (mui lexos),
muertos de fríu.
Van caminando per un camín
Van entrugando por un rapacin.
Unu yera pervieyu (mui vieyu),
otru, medianu.
Otru yera un buen mozu,
yera asturianu.
Van caminando per un camín
Van entrugando por un rapacin.
El más vieyu de toos,
dixo tremando (temblando).
Si nun llegamos ceu (pronto)
vamos xelanos.
Van caminando per un camín
Van entrugando por un rapacin.
Entós el más mozu
dixo perseriu (mui seriu).
Aguanto bien el fríu
por ver al neñu.
Van caminando per un camín
Van entrugando por un rapacin.
Los tres Reis
Los tres Reis
Enriba tres camellos,
y fartucos de ñeve,
baxen de les montañes
tres Reis del Oriente.
El vieyu ye Melchor,
el prietu Baltasar,
y el del camellu coxu,
que va en mediu, ye Gaspar.
De nueche , los tres Magos,
mientres los neños duermen,
entren peles ventanes
a trae-yos los xuguetes.
El vieyu ye Melchor,
el prietu Baltasar,
y el del camellu coxu,
que va en medio,ye Gaspar.
Nun dexes ná nel platu
nin saltes más a peres,
qu'ellos, per un furacu,
ven lo que fai la xente.
El vieyu ye Melchor,
el prietu Baltasar,
y el del camellu coxu,
que va en medio, ye Gaspar.
5/12/13
3/12/13
Puertos d'Asturies.
 |
| Puertu de Xixón |
Tamos tratando en clas los sinónimos y tamién los puertos de mar y de montaña n'Asturies.
 |
| Puertu de Payares 1920. Carretera de Busdongo |
¿Sedrás quien acolumbrar estos puertos asturianos?
?
Ver Puertos d'Asturies en un mapa más grande
¡Una de mieu!
UNA DE MIEU
Esnala que t'esnala
va un esperteyu,
salió de la ventana
d’aquel castiellu.
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Rellámpagos a esgaya
vense nel cielu,
qu'allumen venti bruxes
en plenu vuelu.
Yo que yera'l más gallu
de la quintana
toi yá que nun m'aguanto
de la medrana.
Yá toi sintiendo pasos
pel pasillu,
y púnxoseme'l pelo
como un cepiyu.
Oigo una voz dicime
que pa la escuela,
arremello los güeyos...
¡Yera mio güela!
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Yo que yera'l más gallu
de la quintana
toi yá que nun m'aguanto
de la medrana.
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Yá toi sintiendo pasos
pel pasillu,
y púnxoseme'l pelo
como un cepiyu.
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Oigo una voz dicime
que pa la escuela,
arremello los güeyos...
¡Yera mio güela!
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
2/12/13
Virus
Resulta que nestes feches tuvimos de visita un virus bien fastidiosu. Debieron gusta-y les nueses memories USB porque nelles se caltuvo faciéndonos daqué perxuicios.
Lo que-y gusta facer ye... esconder les carpetes de la memoria USB y asina non somos trabayar con elles.
Lo que fae ye crear unos falsos "accesos direutos" que por más que señales nellos non te lleven a ningún llau.
P'acabar con elli y solucionalo, apúrrovos l'enllaz d'un programa que tenés qu'instalalu nel raigañu de la memoria USB y dexar que faiga el so llabor tal como vos enseñé en clas.
Alcordaevos que habrá una carpeta col nome de "cuarentena" nel que tarán los "bichos" a eliminar.
Por ciertu, recordavos quel llápiz USB ye importante non arranque automáticamente (AUTORUN) y asina non se nos cuelen estos virus
Señala na semeya pa descargalu con seguranza.
Espero seaes quien igualu y sanalu.
Espero seaes quien igualu y sanalu.
27/11/13
26/11/13
Conceyos d'Asturies
Señala nel mapa pa saber más
El xuegu los conceyos
Si conoces Asturies, ye'l momentu de xugar
Dinosaurios
Na clas de segundu tuvimos comentando'l tema los dinosaurios, al rodiu dello facemos esta entrada pa que vos preste y sepaes un montonáu más de cosuques.
El muséu del Jurásicu n'Asturies.
"Guelguines"
Enguedeyu
"Enguedeyu"
Yo conozo un Pepín
más gordu qu'un Antón
y cuenten que Berlín
Ye'l triple de Xixón.
Difícil ye alcontrar bona desplicación
a llamáse Xuanín
y ser un paisanón.
Pequeñín
ye'l gurrión
y grande ye'l mastín
del xefe nuevu la estación.
Pequeñín
ye un botón
y ye más llargu'l Rin
que venti veces el Nalón.
A un neñu de Morcín
llamába-y l'atención
qu'a un microbiu tan ruin
y-llamen sarampión.
Difícil ye alcontrar
bona desplicación
a llamase Xuanín
y ser un paisanón.
25/11/13
Coses de xintar.
Como vimos en clas, vamos xugar coles coses de xintar.
Pon-y procuru al nome les coses.
¿Cómo se nomen les hores del día de la xinta?
¿Sábeslo?
Los vaqueiros
LOS VAQUEIROS VANSE, VANSE
Los vaqueiros vanse vanse,
yá queda la braña escura,
yá s’acabó la parola
y el cortexar a la l.luna.
Vaqueirinas de Cezures,
¿ónde tenéis la vacada?
Ena braña de Braniel.la,
de frente a La Rebol.lada.
Na casa la güela
"La casa de mio güela"
La casa de mio güela
sí que me presta a mi,
sí, sí,
sí, sí,
sí que me presta a mi.
Detrás tien una güerta
y delantre un xardín,
sí, sí,
sí, sí,
y delantre un xardín.
Hai pites y coríos
y un gatu pequeñín,
sí, sí,
sí, sí,
y un gatu pequeñín,
De nueche yo y mio güela
xugamos al parchís,
sí, sí,
sí, sí,
xugamos al parchís.
Y si nun soi mui malu
cómprame regaliz,
sí, sí,
sí, sí,
cómprame regaliz.
La casa de mio güela
sí que me presta a mi.
22/11/13
Xuega cola cara.
¡Ummm.... ! Trátase de xugar con esta cara dibuxándola coles pistes que van dándote.
Que lo pases perbién.
Preparando'l futuru de "a fechu..."
Trátase nesta ocasión d'ofrecer a los parientes una ferramienta que sirve pa dir encaminando'l futuru de los nuesos escolinos.
Toi falando de ser quien escribir col tecláu del ordenador con soltura, entainando y con poques faltes. Ello yera nel pasáu cuando'l que podía pagálo diba clas mecanografía, güei, esto pue facese con estes ferramientes y como un xuegu faciendo posible que les llabores de los nuesos escolinos seyan muncho meyores y non seyan un supliciu porque tengan que dir atopando les tecles nel tecláu como si fueren a la gueta d'una ayalga.
Toi convencíu que esto plantegau como un xuegu medrará y a la fin sedrá un aprendizaxe que servirá abondo añu a añu a los nuesos escolinos.
Ta fechu en castellán, si lo hubiere n'asturianu... pues nesti casu al tar relacionau cola Llingua Asturiana sedría muncho meyor, pero como non ye asina, serviranos pal mesmo propósitu (la meyora y preparación los nuesos escolinos).
Lo que s'ofrez dende equí ye dos maneres facelo: Una que ye vía on-line, eso quier dicir que precisamos conexión d'Internet, y otra que ye un programa descargable y amás portable (lo que quier dicir que l'escolín va llevalu con elli nel llápiz USB y poder usálu en cualesquiera ordenador).
ON LINE:
Entamaremos pola primera estaya.
Lleemos les instrucciones pa saber colocar les manes, los deos y sobre too, como sentanos al sen.
Dempués, entamamos cola llección primera y calcando en Xuega
Nesta parte tien xuegos pa dir prauticando coles lletres y el tecláu.
Tamién tenemos más xuegos nesta parte:
PORTABLE, NEL USB (Sin instalalo nel ordenador y sin conectase a Internet):
Primeru, has de cambiar el nome en opciones y dempués d'investigar un pocu, dir de llección en opción como en númberu de llección o nel tipo básicu, mayúscules etc.
Amás tien requexos como gráfiques, tiempu, etc..