El pirata.

Cursu 2.017-18

Los piratas aconceyábense y andaben en barcos faciendo de les suyes. A veces resultaben no tan bonos como paecíen.

"El pirata"

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

Y nel cai del puertu,

el vieyu pirata

cuenta a los rapazos

coses de la mar.

Fála-yos de guerres,

fála-yos d'ayalgues,

y diz que ye fácil

velu llorar.

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

"Xentiquina" & Nacho Fonseca

Pallabreru:

Amu.
Bravu.
La Nortiada.
Baxo.
El cai.
La cai.
Vieyu.
Pirata.
Los rapazos.
Les guerres.
Les ayalgues.
Llanzar.

Estes son dalgunes banderes qu'usaben nos sos barcos:

Na clas tuvimos falando de daqué requexos yeren pasu obligáu nos mares y que son perpeligrosos. Cuando un marineru yera quien pasar salvando'l pelleyu.... solíén ponése un aru na oreya. Ello yera bien valoráu polos demás marineros porque yera seña de valentía.

Las Canales más importantes son:

• Corinto. (la más vieya y yá de l'antigüeda griega).
• Panamá.
• Suez.

La Canal de Panamá

El sistema d'escluses

Esti sistema fae que los barcos seyan quien pasar d'un océano a otru anque'l nivel l'agua seya bien diferente.

Pon procuru n'echar una güeyada al dibuxu y amás al vidéu que vien de seguío. Cute n'elli  p'acolumbralo bien nidio. 

Equí tienes un barcu pasando per esti sitiu.

Na granxa de Nel.

   Cursu 2.017-18

"Na granxa de Nel"

Na granxa de Nel

pasen coses mui rares
agora vais ver
mirái que vos paez.

El xatu fala inglés
les pites van en tren
y el gochu merienda
na mesa y con mantel,
y el gochu merienda
na mesa y con mantel.


Na granxa de Nel
pasen coses mui rares
agora vais ver
mirái que vos paez.

El carru va al revés
baillen "ballet" los gües
y un par de coríos
trabayen nun hotel,
y un par de coríos
trabayen nun hotel.

Na granxa de Nel
pasen coses mui rares
agora vais ver
mirái que vos paez.

Un gallu que mercó
yá dibuxa perbién

y el burru, ¡qué burru!
cuenta de tres en tres,
y el burru, ¡qué burru!
cuenta de tres en tres.

Na granxa de Nel
pasen coses mui rares
agora vais ver
mirái que vos paez.

"Xentiquina & Nacho Fonseca

Xugando en Llingua Asturiana.

Cursu 2.017-18






Pa que seyas quien xugar y pásalo perbién.

Pallabreru:

La siella.
El llibru.
L'enceráu.
La maestra.
El maestru.
L'escolín.
La escolina.
El cachador.
La lluna.
El dibuxu.
Les tisoires.
La fueya.
El llápiz.
L'asturianu.
La llingua.
Asturies.

Mime, Marila, Tinina y Omar. Facemos amigos.

Cursu 2.017-18

"MIME, MARILA, TININA Y OMAR"

Mime, Marila, Tinina y Omar

quieren despacín

contigo falar.

Mime, Marila, Tinina y Omar

gústa-yos colorear.

Mime, Marila, Tinina y Omar

quieren despacín

contigo falar.

Mime, Marila, Tinina y Omar

gústa-yos colorear.

 

Lo mesmo que tú

al colexu van,

pásenlo perbién

si toca xugar.

Vinieron equí

yá saben sumar

y canten esti cantar.

Mime, Marila, Tinina y Omar

quieren despacín

contigo falar.

Mime, Marila, Tinina y Omar

los neños d’esti cantar,
los neños d’esti cantar.

"Xentiquina" & Nacho Fonseca

Pallabreru:

Despacín:
Falar:
Colexu:
Perbién:

Post-it.

Cursu 2.017-18

Esta xera tien que ver como usamos el llinguaxe formal-normativu y tamién el informal.

Nesta ocasión trátase de que faigamos una comunicación con post-it al mou que lo facemos pol msn, WhatsApp o otres formes de mensaxería dixital.

Pa ello voi aprovechar un llabor que ficimos nel pasáu y que bien val echa-y una güeyada.

Señala na semeya. Cute nella

La Serena

"LA  SERENA"

Veriquina la playa,
en delles nueches de lluna enllena,
siéntese, seliquino,
el canciu melgueru d'una serena
que namoró a un marineru
que la sintiere canciar
cuando'l so barcu veleru
tornaba un día de la mar.

Veriquina la playa,
en delles nueches de lluna enllena,
siéntese, seliquino,
el canciu melgueru d'una serena.


Y diz la xente del puertu
que la serena la mar
fai d'amores prisioneru
al que la siente canciar.

Veriquina la playa
en delles nueches de lluna enllena,
cuénta-y los sos amores 
el marineru a la serena.

Débese a "Xentiquina" y a Nacho Fonseca

Munches gracies

El coche'l maestru.

"El coche'l maestru"

Va tiempu que nun se ve
en pueblu cacharru tal.
Pol ruíu paez un avión
y pol fumu un calamar.

El coche’l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.

Nun tien un torniellu bien,
falta-y una puerta atrás,
Y milagrosu paez
qu'esi trastu puea andar.

El coche'l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.


Frénalu sacando un pie,
tamién-y falta un cristal;
va tiempu que nun se ve
en pueblu cacharru tal.

El coche’l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.

El coche’l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.

Débese a "Xentiquina" y a Nacho Fonseca

Munches gracies

"El dinosauriu, el príncipe, la nena y la so ma" Primer nivel.

Esti cursu 2016-17 nun se celebraren les "Xornaes de la Llingua y Cultura Asturianes de la Fastera Oeste de Xixón" coles sos actividaes pa escolinos y non escolinos,  nin tampocu'l  concursu lliterariu na nuesa Llingua Asturiana "María Teresa González" como venía faciéndose dende antañu en bien d'ocasiones y con munchu ésitu y sonadía ente escolinos, colexos y la xente estos barrios de Xixón.

Nos, decidimos facer parte les actividaes d'un mou bien modestu tal como si les Xornaes y el Concursu Mª Teresa siguieren y tamién como mediu de reclamar el sitiu, les feches, la presencia y el llugar que bien teníamos ganaos nestos barrios de Xixón dempués tantos años.

Con esto tratamos de facenos bien visibles y que too ello vuelva tornar al so sen. Entiendo que nun tien sintíu facer desapaecer una actividá con tantu ésitu participación de los colexos, escolinos y non escolinos, col apoyu y gabitu de la xente los barrios onde tamos. 

Güei pídovos tol apoyu posible pa encaminar too esto y que pal cursu 2017-18 tengamos unes Xornaes y un Concursu lliterariu "Mª Teresa González" con tol puxu y ganes posible.

Gracies

Robra: Santiago Cubillas Alonso

• El llibrín. El cómic:

CALCA EQUÍ PA DESCARGALU

• La Galería d'Artistes. El Muséu:

https://goo.gl/RhA2wV

Equí DESCARGA LA GALERÍA D'ARTISTES DE PRIMERU "A" Y "B"

https://goo.gl/ccaqr1

• L'aventura:

https://goo.gl/QhiWU1

Calca nel entamu de toa esta aventura equí.

La otra tabla

https://goo.gl/oxfkla

"La otra tabla"

Nun ye que me preste muncho
dir tolos díes a la escuela,
anque pue pasar
lo de dibuxar,
facer la ximnasia y canciar.


Pero esi rollu de llevar
pa multiplicar
ye que me trai de cabeza:
que si de venti lleves dos,
de trenta lleves tres
y yo siempre lo faigo al revés.


Sé la capital de Francia,
sé que da llana la oveya,
lo que ye un raitán
lo que ye un volcán
y qu'un panaderu fai pan.

Pero esi rollu de llevar
pa multiplicar
ye que me trai de cabeza:
que si de venti lleves dos,
de trenta lleves tres
y yo siempre lo faigo al revés.

Pero esi rollu de llevar
pa multiplicar
ye que me trai de cabeza:
que si de venti lleves dos,
de trenta lleves tres
y yo siempre lo faigo al revés.

Débese  a  "Xentiquina" y a Nacho Fonseca

Gracies