El nuesu primer Voki.

Nesta ocasión trátase de facer la siguiente xera:

• Facer un guión-esquema de lo que ye l'Antroxu, l'antroxar y les coses que dello falamos na clas. Amás. trátase de falar d'un de los personaxes de les Mazcaraes d'iviernu: "el Guirria" y los guilanderos.

• Atropar semeyes que tengar que ver col tema y los personaxes de los que vaes investigar.

• Con ello tenemos que facer una grabación usando'l programa Audacity y guardala en formatu WAW. Les semeyes tamién precisamos guardalas nuna carpeta nel USB.

• Creamos el nuesu personaxe cola condición que sea lo más apaecío posible a ti pa que seya elli -o tú mesmo- l'afamau periodista que nos cunta esti montonáu de novedaes que tienen que ver con estes feches tan señalaes.

Recordavos que la conesión pa internet sólo ye precisa el primer día si quies recoyer información amás de la que ya se vos dió en clas y, l'últimu día pa crear el personaxe. La mayor parte'l llabor ya veredes que pue facese en clas o casa sin internet.  

Equí ta l'enllaz pal Audacity (calca na semeya).

Con ello.... convertireisvos nos afamaos periodistes que soes, pero pa ello fae falta que salgaes nesti blog dando la noticia de too ello.

Pa ello, vamos manexar la ferramienta de Voki, pero nello taré al llau vuestru pa echávos un gabitu. Asina too, equí vos dexo l'enllaz pal que quiera entamar a ello. (Non ye necesariu rexistrase nello).

A too ello... echarevos un gabitu. Espero vos preste.