Mercando polos barrios de Xixón.

Esta ye la escusa pa facer una xera que ta encaminada dende la Oficina de Política Llingüística del Conceyu de Xixón pal conocimientu de la nuesa ciudá y la so hestoria.

Como bien soes quien comprobar trátase de trabayar cola nuesa Llingua xugando y faciendo conocencia de la nuesa redolada, la toponimia, la hestoria, la cultura....etc.

Pa too ello non se precisa namás que ganes, enfotu y .... perres. Nesti casu d'una moneda: "asturines"

Poner bien atención porque nos días vinientes faránse entrugues sobre ello o sobre coses que vamos deprender.

Dende equí transmitir tol cariñu, apoyu, y ánimu a la nuesa collacia que toos estos años tuvo na llucha por ser quien transmitir la Llingua y Cultura Asturianes desde la Oficina Política Llingüística de Xixón y que en toles ocasiones brindó el so esfuerzu, trabayu y enfotu a cualesquiera les iniciatives se facíen nesti sen, especialmente las que tuvieren protagonistes como los neños. 

Non ta de más recordar les iniciatives, concursos y premios que se crearon col to trabayu. Amás non puedo escaeceme de toles actividaes al rodiu la Selmana les Lletres Asturianes feches en Xixón y en especial na fastera oeste de los colexos de Xixón.

Gracies María Xosé Rodríguez López, esperamos vete pronto puxando. Dende equí tol ánimu y la fuercia pa ti.

Si señales nesta noticia tarás al tanto.

Esta ye la información básica d'esta actividá

Esta actividá ta pensada pa los grupos escolares de sestu cursu d'Educación Primaria y nel xuegu tendrán de percorrer un tableru xigante de la nuestra ciudá.

Ye una actividá pa que los escolinos y escolines conozan, al traviés d'un xuegu, los barrios y distritos de la ciudá de Xixón. L'actividá ye una forma prestosa y entretenida de conocer dalgo de la historia de los barrios de Xixón y el porqué de los sos topónimos, al empar que xueguen y participen.

Nel xuegu tendrán de percorrer un tableru xigante de la nuestra ciudá al tiempu que van mercando los sitios más significativos de los barrios de Xixón, too ello con desplicaciones.