Mirando poles coses comunes ¿Cómo lo llames?

Resulta qu'un día más esti profe y los sos escolinos atópanse a primer hora la mañana cola clas fecha un desastre.

Toles clases dispónense pal trabayu diariu d'un sen determináu pa qu'el llabor y les xeres seyan afayaízes. Pues bien, en vez dello, esti maestru tien que ponese a colocar la clas al sen pa desencolquar el so trabayu perdiendo un montonáu de tiempu que tien que tar dedicáu ni más ni menos que a dar clas. 

A estes altures de cursu non ye normal que siga ocurriendo esto y non toi pola llabor de facer esta llabor la mayor parte los días, asina que les semeyes muestren un pocu dello y el mio enfadu con ello. Creo que ya tá bien de facer de decorador-diseñaor-mayordomu-friegameses tolos díes a cuenta de quien no dexa les coses como taben nun entamu.

Que yo sepa, siempre tratamos de dexar l'espaciu de trabayu recoyíu y preparáu pal que vien detrás y... amás tratamos d'inculcalo nos neños. ¿Esti ye l'exemplu col que s'atopen tolos díes los escolinos a primer hora? ¿Qué vos paez?

Pol otru llau... si resulta que manches les meses de trabayu y el que vien detrás non ye quien usáles. ¿Qué tien que venir? ¿de criáu de l'otru pa llimpiar lo que dexes mal?

Creo que ta bien claru qu'esti maestru ta bastante molestu con esti proceder y que ya lo dixo nel mediu que tenía dicilo. Como ello non se tien en cuenta pues.... creo que la manera de diciyoslo agora bien claru y altu ye por esti mediu.

Caúna de les coses asitiaes tienen el so sentíu.
Asina ye como dexamos la clas pa que la usen pola tarde
nes actividades extraescolares. 
¿Porqué non nos la dexen igual pal entamu de les clases?
Respetar esi orden, por favor.

Espero qu'el sentíu común y llegue a quien-y pruya y que cuide pol material y l'espaciu como lo intentamos los demás. Gracies.

Asina queda la clas de Llingua cuando finen les clases.
¿Porqué non ta igual al entamu de les clases del día siguiente?

Polo demás trátase dalgo tan fácil como dexar les coses tal y como te les dexen...ni más, ni menos. ¿Ye tan díficil mirar por ello? ¿Ónde ta la responsabilidá de caún?