Esti cursu 2016-17 nun se celebraren les "Xornaes de la Llingua y Cultura Asturianes de la Fastera Oeste de Xixón" coles sos actividaes pa escolinos y non escolinos, nin tampocu'l concursu lliterariu na nuesa Llingua Asturiana "María Teresa González" como venía faciéndose dende antañu en bien d'ocasiones y con munchu ésitu y sonadía ente escolinos, colexos y la xente estos barrios de Xixón.
Nos, decidimos facer parte les actividaes d'un mou bien modestu tal como si les Xornaes y el Concursu Mª Teresa siguieren y tamién como mediu de reclamar el sitiu, les feches, la presencia y el llugar que bien teníamos ganaos nestos barrios de Xixón dempués tantos años.
Con esto tratamos de facenos bien visibles y que too ello vuelva tornar al so sen. Entiendo que nun tien sintíu facer desapaecer una actividá con tantu ésitu participación de los colexos, escolinos y non escolinos, col apoyu y gabitu de la xente los barrios onde tamos.
Güei pídovos tol apoyu posible pa encaminar too esto y que pal cursu 2017-18 tengamos unes Xornaes y un Concursu lliterariu "Mª Teresa González" con tol puxu y ganes posible.
Gracies
Robra: Santiago Cubillas Alonso
- El llibrín. El cómic:
- La Galería d'Artistes. El Muséu:
https://goo.gl/RhA2wV
https://goo.gl/ccaqr1
- L'aventura:
https://goo.gl/QhiWU1
No hay comentarios:
Publicar un comentario