28/2/13
Ummm... ¿Qué rico!
¡Vaya fame!
Resulta que los escolinos de cuartu A tuvieron iguando esta recetuca nel Blog y... ¡entróme una fame!
¡Voi colgar a Santiago de la viga'l quesu!
Non pué ser qu'unu ande esculucando a los neños de cuartu na clas y... como taben falando de recetas m'entrara tal fame que pocu más y acabo xintando les talameres de la clas....
Oye, que fué una llabor bien prestosa. A min gustóme muncho y alluego almorze con más ganes.
El Demoniu Manegueru
27/2/13
Tutorial Dropbox
Como ya falamos en clas, esta ferramienta va servinos pa guardar la información de los nuesos archivos na "ñube".
Déxovos dalgunos tutoriales, pero diremos trabayando con elli, pocu a pocu, en clas.
Powtoon, tutorial.
Nesta ocasión apúrrovos un tutorial desta ferramienta pa ser quien facer les xeres que discurraes como falamos en clas.
¡Periodistes... en movimientu!
Carlota Fresno, Aitana Augusto y Elisa Cañedo de quintu B apúrrennos esta xera
25/2/13
La Pita la Llingua... ¡al ataque!
Unai, enviános una semeya na que s'acolumbra a
La Pita manifestándose pola Llingua Asturiana.
Sextu C... Trabaya col Guirria
Esti ye'l aporte de les vueses collacias de sextu C.
¡A ver que vos paez!
"El Guirria"
Una llabor fecha por:
Ángela González García y Sara Robles Tuero
Los bolos
Nesti reportaxe sedrás quien acolumbrar les diferentes modalidaes de bolos n'Asturies. La verdá ye que ye un reportaxe bien prestosu y bien fechu. ¡Ah... y ta fechu n'asturianu!
¡Que vos preste!
Les Mazcaraes d'iviernu na RTPA
La RTPA fae un resume de les Mazcaraes d'iviernu n'Asturies. Ta fechu en castellán. ¡Que vos preste!
24/2/13
Fae la comparanza y valora'l nuestru vivir.
Si vas faciendo la llabor que toca, a estes altures sedrás quien date cuenta les diferencies nel vivir en cada ún d'estos llugares. La probitú, les circunstancies, el clima, la cultura... hasta fenómenos como los volcanes, terremotos o la metereoloxía son quien coses cuasi imposibles.
 |
| Calca na semeya |
Equí tienes un mapa mundial onde tienes la ocasión facer la comparanza de munches coses ya investigar y date cuenta d'eses diferencies y de las coses en común.
22/2/13
El «ye» págase a 5 céntimos
Día Internacional de la Llingua Materna.
Nel Día de la Llingua Materna la Oficina de la Llingua de Xixón fizo una llabor bien prestosa.
Resulta que non sé mui bien cómo ni porqué pero... pagábase caún de los "yes" con perres.
Equí cúntase parte dello. Calca na semeya.
Si señales na semeya de "fala" atoparás más cosuques
L'Arfueyu
Alberto, de cuartu C, sorprendiónos con una semeya del Arfueyu.
Nella apaez cola so hermanina Valeria.
Yo, la verdá, prestariáme sentir noticies desti personaxe mitolóxicu tan curiosu. ¿Y vosotros?
Asina que tamos a la espera Alberto pa que nos cunte quién ye'l Arfueyu y cómo ye.
Robra
El Demoniu Manegueru
"Les Hermanes de Xixón" Leonor d'Aquitania y Niort.
Esti ye l'afamáu Donjon.
Nel tiempu que-y tocó vivir a Leonor non yera costumbre qu'una muyer mandase... y menos gobernar sobre los homes.
Ella fizo una corte d'afamaos artistes ya estudiosos que güei día conocemos y que gracies a ellos curíose y caltúvose parte la cultura l'época.
Si señales la semeya del Donjon dirás al enllaz en castellán que te fala d'otres muyeres perimportantes de l'hestoria.
Nesti vídeo serás quien a conocer alguna de les muyeres mas señalaes de l'hestoria.
21/2/13
Día Internacional de la Llingua Materna
El Día Internacional de la Llingua Materna faese cada añu dende febreru del 2000 pa dase conocer les llingues en pelligru desapaición y pa que se respete esti patrimoniu cultural que nos pertenez a toos -falemos o non eses llinguas y conozamos o non eses cultures, seyan minoritaries o non-.
Tamos falando de que no desapaezan formes de cultura y patrimoniu cultural -que ye de toos-. Si dexamos que desapaezan... perdemos toos ¿O non?
A tí... ¿qué te paez?. Si ponemos d'exemplu los animalucos y la biodiversidá... ¿paezte bien que desapaecieren les ballenes, o l'osu pardu, o l'osu panda?
Tengo la seguranza de que dalgo d'interés tendría pa tí y que eso faría dañu a la biodiversidá y al sistema de vida nesi entornu.
Cola Llingua pasa lo mesmo. Hai llingües como l'asturianu que tan en riesgu pero que por ser minoritaries no debemos dexar que desapaezan -son una cultura y amás de toos- Exemplos dello son l'aranes, el bretón.... Falaremos dello en clas.
¿Tu dexarias desapaecer unu destos animalinos? ¿y una destes llingües?
Pues una manera de facer algo por ello ye dalo conocer y saber cualas deses llingues son.
Esta fecha desti día faese en memoria del 21 de febreru de 1952 cuando los estudiantes manifestábense pol reconicimientu de la so llingua Bangla que yera un de les dos idiomes nacionales del entós país Pakistán. Por ello, matárenlos a tiros la policía de Dhaka, la capital de lo que ye güei Bangladesh
Calcúlase que más de la metá de les 6.700 llingües qu’hai en tol mundu
tán en peligru desapaecer. Anguaño’l ritmu d’estinción ye rápidu,
cada quince díes una d’elles dexa de falase, según informó la propia
UNESCO. Amás, los espertos calculen que’l 96% de les llingües qu’hai nel
planeta les fala un 4% de la población mundial.
Bretón
Irlandés - Irish
Occitano
Corso
Asturianu
19/2/13
Lleonor d'Aquitania
Nes torres del castiellu de Niort, (el Donjon) tuvo presa una barbaridá tiempu Leonor d'Aquitania que fuera una muyer perimportante pal so tiempu.
Ye un personaxe históricu de gran altor pero poco conocíu.
Tienes información d'ella -en castellán- calcando na semeya de la so tumba.
18/2/13
La Comedia en Valdesoto
Ummm...! Les mazcaraes desti añu paez que caltienen la salú.
Los Guirrios o Sidros y la Comedia tuvieren estos díes per equí. Calca na semeya pa enterate bien dello.
Calca nes semeyes pa enterate bien dello.
Si señales nestes lletres... colarás a la páxina orixinal
Los mozos y moces ya faen llabor dello. Si caes nello, sedrás quien acolumbrar como se preocupen de qu'esti vezu de la nuesa cultura nun desapaeza.
Nel colexu preocupénse de facer la Comedia pa los más xóvenes.
Paezme a min qu'esta llabor y-os presta un montonáu.
A mí préstame abondo. ¿Y a tí?
Robra:
El Demoniu Manegueru
Gracies a La Nueva España
17/2/13
"Les Hermanes de Xixón" Non t'entiendo... ¿que llingua ye esa?
Col viaxe tenemos que deprender daqué d'otres llinguas pa facenos entender y que nos entiendan ¿no te paez?
Pa que te sirva y pa poder facer la páxina 4 pue ser que te valga esto (calca na semeya).
15/2/13
"Les Hermanes de Xixón" En cada sitiu, una hora.
Pa finar esto de les hores y entendelo bien, pa poder facer l'exerciciu de la páxina 3, pincha nel enllaz de la semeya.Tengo la seguranza que va echáte un gabitu.
14/2/13
Nun mos gusten les lenteyes
 |
| "Xentiquina" y Nacho Fonseca |
NUN MOS GUSTEN LES LENTEYES
Vamos facevos, amiguinos, una confesión:
somos fartones, pero tenemos una excepción.
Tamos seguros que munchos de vosotros tamién
de les lenteyes poques noticies queréis tener.
Gústenmos les fabes y los macarrones
y les tayaes de los xatos culones,
l'arroz col pitu y les casadielles
y, de los gochos, hasta l'andar que tienen,
pero non, les lenteyes non.
Non, les lenteyes non, que non.
Les lenteyes, amiguinos,
son pa nosotros obsesión.
Les güeles dicen que comeles da fierro a mamplén:
pa eso chupamos les ruedes de la máquina'l tren.
Tamos seguros que munchos de vosotros tamién
de les lenteyes poques noticies queréis tener.
Comemos sardines, ñocles de Tazones,
y ye lo mesmo que nos llamen fartones.
Llocos nos volvemos poles madalenes,
les andariques y les buenes tortielles,
Pero non, les lenteyes non.
Non, les lenteyes non, que non.
Les lenteyes, amiguinos,
son pa nosotros obsesión.
La importancia del gochu.
La matanza o samartín yera'l momentu señalau pa tener carne pa tol añu.
Facíase nos meses mas fríos del añu pa caltener la carne como tenía que ser.
Alcordaívos que neses dómines non había neveres, nin frigoríficos, nin conxeladores.
Facíase nos meses mas fríos del añu pa caltener la carne como tenía que ser.
Alcordaívos que neses dómines non había neveres, nin frigoríficos, nin conxeladores.
Espero vos preste.
Mazcaraes d'iviernu: Colos palos...
Nesta mazcarada d'iviernu tienen que ver los palos y unu de los conceyos que fue y caltién Pola.
A ver si sois daquién cuntame algo delli...
Por ciertu... que l'escudu ye bien interesante.
¡Calca na semeya!
13/2/13
Mazcaraes d'Iviernu: Los Zamarrones de L.lena.
Nel conceyu de L.lena tamién esisten mazcaraes d'iviernu: "los Zamarrones de L.lena". Un grupu persones ta tirando pa poder recuperalos porque va cuantayá casi desapaecieron.
Estes son les úniques semeyes qu'atopé d'ellos, asina que espero tener otres nueves pero porque ya nun desapaezan y ya salgan a la cai nesta época.
