Güei ye'l "Día la Tierra"

Güei ye'l "Día la Tierra"... ye'l día p'acordase de que tenemos que caltenela y valorar les coses que nos ofrez ¡casi ná! y... un montonáu de coses más que son perimportantes como que sin ella nosotros non taríamos equí y que si non miramos por ella sufriríamos muncho o pue ser que la raza humana desapaecería, eso sí, enantes sufriríamos los desastres de la ñatura nel propiu pelleyu.

"Bufones"

Resulta que falamos dello pero... pocu remediu solemos pone-y. Resulta que tenemos la suerte de vivir nuna tierra privilexada, na menos que nel "Paraísu natural".

Ye por ello que somos nosotros (sí, tú yo y los demás) los que tenemos que preocupanos de curialu y mirar por ello, por la nuesa tierrina Asturies y eso faése dende non tirando la basura namás que nos sitios pa ello a caltener les viesques, a dar a conocer la nuesa tierra a.... ¡tal montonáu de coses que somos quién! porque con cosuques bien chicas  sedremos quien facer coses bien grandes.

Les persones que viven nesti entornu son los más sabios y los que caltienen too esto. Necesiten que-yos echemos un gabitu.

Non podemos escaecenos que'l sitiu onde vivimos ye envidiáu por tol mundu, munches destes persones dempués conocénos vienen vivir pal nuesu "paraísu".

Asina que, aprovechando que güei ye'l día de la Tierra, non ta de más que vos recuerde too esto y que caún o caúna de vosotr@s faiga tamién algo por too ello.

Robra: