Cursu 2019-20
Dende estes llínees comparto con toos un mensaxe d'ánimu pa toos vosotros: pas, mas, fíos, hermanos, güelos, güeles, tíos, tíes, primos.....familia y parientes.
Esti punxu col malditu virus tien que facenos muncho más fuertes y toi bien seguru que podremos con elli. Tenemos que da-y la vuelta a les condiciones en que nos obliga tar y camudalo pa ser la ocasión pa conocer muncho más a la nuesa familia, ser más cercanos y pacientes.
Pa ello convídovos a esfrutar desti cantar y del mensaxe que trae. Nun importa que desconozan la nuesa Llingua. Esti cantar tien la torna pa que s'entienda bien.
Munches gracies
Robra: Santiago
"La viquina" (el cernícalo),
pol grupu Corquiéu
Mensaxe: .......................................
Si nun yes quien na semeya,
clica nesti audio.
El desván ye un sitiu que, dacuando, la xente tien-y miéu porque ta oscuru.
Eso si, cuando lu conocen bien, acolumbren secretos d'oxetos y coses desconocíes del pasáu. Coses que nun dan miéu pa ná y que valientes como vosotros vais descubrir coses máxiques de la familia ya antepasáos vuesos.
A lo meyor hasta soes quien acolumbrar personaxes mitolóxicos y trasnos como'l Sumiciu.
Por eso, como tamos en casa por cuenta del dichosu virus esi... a Santiago ocurrióse-y poner el nome de "Nel desván" a este coses que vamos facer xugando esti tiempu dende casa... nesti desván nuesu.... vuestru y míu y.... del Demoniu Manegueru y d'otros personaxes que nos visitaran.
¡Que vos preste muncho!
L'horru la panera y el cabazu. .............
Horros, paneres y cabazos
Como resulta qu'estos díes esti tema y estes construcciones apaecieren nel día a día de la clas, paezme una bona ocasión pa entamar con ello.
Por ello equí tenés un xuegu nel qu'apaecen les partes del horru y la panera col so nome.
¡Ummmm.... trátase d'un xuegu pa valientes! Asina que.... ¿sedrás quien resolvelu?
El Demoniu Manegueru ta esperándote dientro y Santiago... amirando lo qu'asocede.
Alcordaevos que si calcaes la tecla Control a la vez que xiraes la ruedina del mur, la pantalluca pa xugar fadrase más chica o mayor.
Xugando colos pegoyos. ................
Como paez qu'esto de los xuegos vos gusta... equí vos dexo otru al rodiu l'horru y la panera.
Como paez sois quien diferenciar l'horru de la panera... equí tenés otru retu ¿Serés quien xugalu y finálu?
Horros: Ayalga y arca d'Asturies. .....................
Nesta ocasión traígovos un reportaxe que me dexó ablucau.
La verdá ye que a min gustóme muncho.
Débese a Jaime Santos que fizo una llabor perbona y si non... echáe una güeyada y comenta-y.
El papel de la muyer. ...........................
El papel de la muyer fue perimportante, nesti casu, el reportaxe desplica too esto y muncho más. ¡Que vos preste!
Partes del horru y la panera. ..............
Equí yes quien contemplar les partes d'un horru.
Nesti casu trátase del horru la fastera occidental.
Fixaívos que ta n'altu, percima d'una muria.
Paezme que va davos una idea de cómo s'igua l'horru y como se desigua p'acarretalu a otru llau.
Variantes del teyáu y cómo se teita. ......
El teyáu d'un horru tamién pué iguáse con pizarra o con vexetal.
Col pasu'l tiempu, facelo con "escobes" o con vexetal ye perdifícil. Ya nun hai xente pa caltenelo, pa igualo ni pa "teitar" y la que hai, ye pervieya.
La xente moza non vive nos pueblos y la mayoría non se dedica ya a los llabores del campu.
La xente moza non vive nos pueblos y la mayoría non se dedica ya a los llabores del campu.
Presta-y atención al vídeo, echa-y una güeyada y sacar provechu d'una xera que non sé si tendrés ocasión de ver munches veces más.
Horros y paneres.
Los sos secretos.....y el tuyu tamién. ....
Pa conocelos bien... esti vídeo ye llargu.
Ye un programa n'asturianu y que va enseñavos cómo ye, les partes, pa qué son, cómo s'armaben, el porqué yera importante y cómo se vivía y servíamonos d'ellos.
¡Que vos preste!
El teyáu de pizarra. .............................
Bien... agora traigovos como se "teita" atecha o se fae'l teyau de pizarra.
Nesti casu non ye un horru, pero pal casu ye lo mesmo o apaecío y con ello seres quien imaxinar como se fae col horru y cómo se trabaya.
Como soes bien llistos, aldivinariaes que teitar teito y l'usu de la pizarra o losa ye de la fastera occidental d'Asturies.
No hay comentarios:
Publicar un comentario