El Blog de Llingua Asturiana

22/2/16

¡Una de.... mieu!

UNA DE MIEU

Esnala que t'esnala

va un esperteyu,

salió de la ventana

d’aquel castiellu.

¡Ai qué mieu!

¡Vaya mieu!

Nun voi ser quien a dormir

¡Que non, que non!

Nun voi ser quien a dormir.

Rellámpagos a esgaya

vense nel cielu,

qu'allumen venti bruxes

en plenu vuelu.

¡Ai qué mieu!

¡Vaya mieu!

Nun voi ser quien a dormir

¡Que non, que non!

Nun voi ser quien a dormir.

Yo que yera'l más gallu
de la quintana
toi yá que nun m'aguanto
de la medrana.

¡Ai qué mieu!

¡Vaya mieu!

Nun voi ser quien a dormir

¡Que non, que non!

Nun voi ser quien a dormir.

Yá toi sintiendo pasos
pel pasillu,
y púnxoseme'l pelo
como un cepiyu.

¡Ai qué mieu!

¡Vaya mieu!

Nun voi ser quien a dormir

¡Que non, que non!

Nun voi ser quien a dormir.

Oigo una voz dicime
que pa la escuela,
arremello los güeyos...
¡Yera mio güela!

¡Ai qué mieu!

¡Vaya mieu!

Nun voi ser quien a dormir

¡Que non, que non!

Nun voi ser quien a dormir.

"Xentiquina" & Nacho Fonseca

Xuega colos animales.... matemáticos.

Non sé si serás quien o tan valiente a xugar con estos animales.
¡Que te preste!

http://web.educastur.princast.es/proyectos/puertuasturies/index.php/aprendi?fid=5&gid=73

Puertos d'Asturies. Xuega con ello.

Puertu de Xixón

Echa una güeyada a estes semeyes a ver si yes quien atalantalos o asitialos güei día.

Puertu de Payares 1920. Carretera de Busdongo

Si t'animas... ¿osarás?

¿Sedrás quien xugar asitiando estos requexos d'Asturies?

http://serbal.pntic.mec.es/ealg0027/asturrelieve2as.html

http://serbal.pntic.mec.es/ealg0027/asturrelieve1as.html

http://serbal.pntic.mec.es/ealg0027/asturrios2as.html

http://serbal.pntic.mec.es/ealg0027/asturrios1as.html

El pirata.

"El pirata"

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

Y nel cai del puertu,

el vieyu pirata

cuenta a los rapazos

coses de la mar.

Fála-yos de guerres,

fála-yos d'ayalgues,

y diz que ye fácil

velu llorar.

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

"Xentiquina" & Nacho Fonseca

Puertos d'Asturies. Xuega con ello.

Puertu de Xixón

Echa una güeyada a estes semeyes a ver si yes quien atalantalos o asitialos güei día.

Puertu de Payares 1920. Carretera de Busdongo

Si t'animas... ¿osarás?

¿Sedrás quien xugar asitiando estos requexos d'Asturies?

http://serbal.pntic.mec.es/ealg0027/asturrelieve2as.html

http://serbal.pntic.mec.es/ealg0027/asturrelieve1as.html

21/2/16

Na granxa de Nel.

"Na granxa de Nel"


Na granxa de Nel

pasen coses mui rares
agora vais ver
mirái que vos paez.

El xatu fala inglés
les pites van en tren
y el gochu merienda
na mesa y con mantel.

Na granxa de Nel
pasen coses mui rares
agora vais ver
mirái que vos paez.

El carru va al revés
baillen "ballet" los gües
y un par de coríos
trabayen nun hotel.

Na granxa de Nel
pasen coses mui rares
agora vais ver
mirái que vos paez.

Un gallu que mercó
yá dibuxa perbién
y el burru, ¡qué burru!
cuenta de tres en tres.

Na granxa de Nel
pasen coses mui rares
agora vais ver
mirái que vos paez.

"Xentiquina & Nacho Fonseca

Xugando y repasando les partes del cuerpu.

¡Ummm.... ! Trátase de xugar con esta cara dibuxándola coles pistes que van dándote.

Que lo pases perbién.

Gracies a Puertu Asturies por esta xera

¿Oses tratar de finalu?

Nestos díes tamos trabayando sobre'l pallabreru.

Pa da-y una vueltuca a ello preparevos esti retu pa los escolinos de segundu.

Pallabreru Segundu A Santiago Cubillas on PhotoPeach

¿Yes quien canciar con Mime, Marila, Tinina y Omar?

"MIME, MARILA, TININA Y OMAR"

Mime, Marila, Tinina y Omar

quieren despacín

contigo falar.

Mime, Marila, Tinina y Omar

gústa-yos colorear.

Lo mesmo que tu

al colexu van

pásenlo perbien

si toca xugar.

Vinieron equí

yá saben sumar

y canten esti cantar.

Mime, Marila, Tinina y Omar

quieren despacín

contigo falar.

Mime, Marila, Tinina y Omar

los neños d’esti cantar.

"Xentiquina" & Nacho Fonseca

"El cascoxu"

"El cascoxu"

Despacín, al pasín
va’l cascoxu pel xardín.
Colos cuernos al sol,
va faciendo’l so camín.

Enxamás lu verás
col llimiagu discutir
a quién-y presten más
les llechugues del vecín.

Despacín, al pasín
va’l cascoxu pel xardín.
Colos cuernos al sol,
va faciendo’l so camín.

Enxamás lu verás
col llimiagu discutir
a quién-y presten más
les llechugues del vecín.

La casina mangada nel llombu,
fai les coses siempre seliquín.
Enxamás lu verás atechase:
présta-y muncho sentir l’ orpín.

Despacín, al pasín
va’l cascoxu pel xardín.
Colos cuernos al sol,
va faciendo’l so camín.

Enxamás lu verás
col llimiagu discutir
a quién-y presten más
les llechugues del vecín.

"Xentiquina" & Nacho Fonseca