14/1/17

Horros, paneres y cabazos. 10ª estaya: Horros y paneres D.- El teyáu.
















Bien... agora traigovos como se "teita" atecha o se fae'l teyau de pizarra.
Nesti casu non ye un horru, pero pal casu ye lo mesmo o apaecío y con ello seres quien imaxinar como se fae col horru y cómo se trabaya.
Como soes bien llistos, aldivinariaes que teitar teito y l'usu de la pizarra o losa ye de la fastera occidental d'Asturies.







Horros, paneres y cabazos. 9ª estaya: Horros y paneres C.- Los sos secretos y... el tuyu tamién.

















 
Pa conocelos bien... esti vídeo ye llargu. 

Ye un programa n'asturianu y que va enseñavos cómo ye, les partes, pa qué son, cómo s'armaben, el porqué yera importante y cómo se vivía y servíamonos d'ellos.
¡Que vos preste!






13/1/17

Horros, paneres y cabazos 8ª estaya: Horros y paneres B.- Variantes del teyau y cómo se teita.














El teyáu d'un horru tamién pué iguáse con pizarra o con vexetal.
Col pasu'l tiempu,  facelo con "escobes" o con vexetal ye perdifícil. Ya nun hai xente pa caltenelo, pa igualo ni pa "teitar" y la que hai ye pervieya. 


La xente moza non vive nos pueblos y la mayoría non se dedica ya a los llabores del campu.
Presta-y atención al vídeo, echa-y una güeyada y sacar provechu d'una xera que non sé si tendrés ocasión de ver munches veces más.












Horros, paneres y cabazos 7ª Estaya: Horros y paneres A: Partes del horru y la panera.



















 









Equí yes quien contemplar les partes d'un horru.

Nesti casu trátase de la fastera occidental. 

Fixaívos que ta n'altu, percima d'una muria.
Paezme que va davos una idea de cómo s'igua l'horru y como se desigua p'acarretalu a otru llau.














12/1/17

Mazcaraes d'iviernu 1. L'aguilandu, guilandu o guinaldu.













Toi entrugándome si de verdá soes tan llistos como paecés.

Nun sé yo si vaes ser quien resolver esti misteriu tan misteriosu:




Los "guinalderos" o "guilanderos".


  • ¿Qué prendes de vistir te llamen l'atención?


  • ¿Visten la tiesta?


  • ¿Y el calzáu?


  • ¿Tan vistíos pala ocasión, colo meyor que tienen? ¿Esa ropa, pónenla tolos díes?


  • ¿Quien va vistíu diferente y porqué?


  • ¿Pa que val el palu que lleven los guilanderos?


  • ¿Qué ye la "goxa"?


  • ¿Qué guarden nel zurrón?

  • ¿Qué-yos apurre de "guinaldu" l'ama d'esta casa?

  • ¿Qué fae cómo cortesía ya educación quien s'encarga de recibir el guilandu na goxa? (Pista: tien que ver cola prenda de vistir la tiesta)


  • ¿Cómo viste l'ama de la casa









¿Cuála ye esta prenda? ¿Pa que sirve?








¿Y esto, qué ye, pa que sirve?








  • Esto nun ye una mochila, ¿qué ye? Pa qué s'usa?




  • ¿Quien son esta xente? ¿Qué faen? 

  • ¿Aseméyense a daqué otru retratu desta entrada?

  • ¿En qué crees que s'asemeyen?








  • ¿Qué crees que ye lo que ta equí retratáu?


  • ¿Paézse a daqué que conozas?


  • ¿Estremes les diferencies y no que ye asemeyáu? ¿En qué?








Si fuisti quien responder bien toles entrugues.... resulta que ya yes un avezáu sabiu desti tema y ficisti una perbona investigación al casu.

Tengo que cuntalo.























Siéntolo nel alma pero toi qu'arreviento por cuntalo.

Resulta que ayeri, por eses coses de la mio profesión como maestru, aconteció una cosa bien curiosa.

Daqué ocasiones, más de les que la xente cree, asoceden coses como estes que vos voi cuntar.

A veces, los nuesos escolinos dán-nos llecciones bien grandes de vida y de calidá. Sorprénden-nos y faen que vaya unu a durmir bien a gustu, al sen cola vida, col llabor y bien orgullosu de los escolinos colos comparte tiempu, vivencies, rises, penes, aprender a cada minutu con ellos  y ...  enseñanza. Coses que faen qu'acabemos escaeciendo y asonsoñándonos de les penuries del día a día que vivimos  y que nun son quien a acabar con estos xestos y escenes bien emponderables

Pues resulta que, ni más ni menos, que na mitá la clas de Llingua Asturiana tábamos faciendo una llectura en comuña y ... nel turnu qu'asocede, tocó-y a una escolina que-y cuesta daqué eso de lleer.
El maestru, fae lo posible p'animala a ello col so saber y coles sos trampes. 
Resulta qu'ella fae tol esfuerzu con intención y bien de ganes, poniendo procuru.

Ya por ello, esti maestru, sintíase bien orgulloso del llabor pero.....

Cuando llevaba un cachín lleendo y cuando'l maestru diz eso de.... ¡Perbién, sigui tú, Xuanín! Pa cambiar esi turnu lletura ...

Un collaciu desta moza de primeru, dende una mesa bien lloñe, entama aplaudila con toles ganes y, amás, animala d'un mou bien xenerosu. 

De siguío, tola clas entamó aplaudir y felicitar a la escolina. 

Tovía toi viendo la carina d'esta neña. La so sonrisa y la cara satisfaición.

Ello yera una escena más qu'agradecía pa esti maestru, pero resulta que...

De sópitu, tolos collacios la clas entamaron a aplaudila y animala, mirando pa ella y .... dalgunos (incluyendo a esti maestru), mirando con complicidá pal escolín qu'entamó esta escena bien plausible.

Esti maestru, finó la clas bien contentu con tolo asocedío y nun fué quien evitar da-y la norabona a esti neñu por un xestu cola so collacia  y que, amás, fizo que tola clas respaldara too ello, y, toi bien ciertu, qu'echó un gabitu bien grande y dio-y tola fuercia pa siguir lluchando con eses lletres que-y dan guerra a la so collacia, ni más ni menos.

Por too ello, por cómo estes coses faen cómo se sientan bien un montonáu de persones. Por sintime perbién nesta profesión como díes asina. Al fin y al casu esto nun ye ni más ni menos qu'ún bon exemplu del cómo son y faen munchos neños.


Munches gracies a tolos escolinos

Nota: 

Ya sé qu'esti ye un blog educativu, pero.... que meyor sitiu pa mostrar un exemplu bien plausible de lo que faen los neños, un bon exemplu y nel que los protagonistes son ellos mesmos.

Que meyor mou que reconoce-yos el so méritu y el so llabor. Que meyor ocasión de qu'ellos mesmos sean quien vese equí como protagonistes.

Santiago

10/1/17

El reló l'ayuntamientu.






















"El reló l'ayuntamientu"


Tac,tic,tac,tic,tac,tic,tac,
el reló l’ayuntamientu,
tac,tic,tac,tic,tac,tic,tac,
cuerre que te correrás.

A les cinco ta nes diez,
a les siete ta nes tres,
tac,tic,tac,tic,tac,tic,tac,
cuantayá que nun val pa ná.


 
Tac,tic,tac,tic,tac,tic,tac,
el reló l’ayuntamientu,
tac,tic,tac,tic,tac,tic,tac,
cuerre que te correrás.

A les cinco ta nes diez,
a les siete ta nes tres,
tac,tic,tac,tic,tac,tic,tac,
cuantayá que nun val pa ná.

Tac,tic,tac,tic,tac,tic,tac....