El Blog de Llingua Asturiana

3/10/16

"Chalaneru"

Añu 1890.
Na chalana que travesaba'l ríu dende la oriella de
Pola Llaviana a Entralgo y Villoria

Na Chalana Llaviana Añu 1905

Na Chalana. Llaviana 1905

Esti cancíu ye de los principales o, de los más afamaos de la nuesa tierra.

Equí vos dexo unes semeyes que vos faen ver lo que yera y lo que ye güei día.

Ponte La Chalana Añu. 1900

"Chalaneru"

Chalaneru, chalaneru,
¿que lleves "ena" chalana?
Llevo roses y claveles
y el corazón d'una xana.

Si pases el puente
nun caigas al agua,
que los mios amores
son de La Chalana.

Son de La Chalana son,
son del pueblin chalaneru
que si la chalana se muerre,
muérrese'l pueblín enteru.

Si pases el puente
nun caigas al agua,
que los mios amores
son de La Chalana.

Na fonte La Nalona
hai una xana llorando
porque diz que nun la quieren
losmociquinos d'Entrialgo.

Si pases el puente
nun caigas al agua,
que los mios amores
son de La Chalana.

Interprétau por "Xentiquina" & Nacho Fonseca

Ponte La Chalana Laviana, añu 1896.

Esta versión desti canciu ye ún de los más sentíos y meyor interpretaos. !Que vos preste!

La xente diba bañase y pasalo perbién. A lo fondero vese la ponte La Chalana.

Equí vais poder echar una güeyada onde s'asitia esti acontecimientu tan señalau y onde ta la ponte La Chalana.

Ver Descensu folclóricu del Nalón en un mapa más grande

Tamién hai d'otres versiones desti famosu cancíu. Nesti casu trátase de Felpeyu con una versión bien allegre y prestosa.

N'alcordanza y la memoria de Carlos Redondo e Igor Medio (2.006)

Vraemente dos persones bien queríes.

Pela cai principal.

Nesta ocasión trátase de la xuntanza de los meyores intérpretes y músicos pa tocala. ¿qué vos paez?

Esti vídeo trata del "Descensu folclóricu del Nalón". Toi bien seguru que vos va llamar la atención. Tamién tengo la seguranza que taben pasándolo perbién los que nelli salen retrataos.

El Desfile

El Descensu

1/10/16

¿Sedrás quién xugar?

¡Ummm... ! Paez que caún de vosotros sabe muncho más de lo qu'aparenta.

Siendo asina convídovos a ver si sois quien esfrutar con esti xuegu.... ¿Osaes?

Pallabreru 1 on PhotoPeach

Cortexando....... ¡Ai Pinín!

¡Ai, Pinín!

Ai, Pinín, cásate conmigo,

que mio pá va dame bon dote,

que yo tengo muches faciendes,

“toes les” tengo nel cocorote.

D’equí a Somió too ye de mio,

de Somió allá too ye de mio pá.

Mira qué suerte vas a tener

cuando me lleves a mi por muyer.

Tengo una bona casería,

mesmamente en metá de Perlora,

con unes cuantes tierriquines,

que les tengo, Pinín, de memoria.

Tengo un güertín, tengo un güertín,

que tol añu me da perexil,

y un mazanal, y un mazanal

que les mazanes me valen a rial.

En casándome mio pá dame

una cama que ye de madera,

que solo-y falten los llargueros

y dos pates cola cabecera.

Tamién me da un colchonín,

que nun tien llana, nin fueya, nin clin,

y pa con él un cabezal

fechu de paya robao nun payar.

De maíz, fabes y patates

cueyo al añu dos mil celeminos,

pero tolos cueyo n’andecha

cuando me llamen los mios vecinos.

Y na cubil tengo tamién

una marrana que cien años tien,

tengo un gochín, tengo un gochín

pa que lu cebe’l señor Pachín.

¡Ai, Pinín, cásate conmigo!

Interpretáu por "Xentiquina" & Nacho Fonseca

¡Ummmm....!

Santiago despistóse una migaya y.... aproveché pa facer una de les míes col ordenador ¡je, je!

Equí vos colé una versión de "Felpeyu" que sé que bien y presta a Santiago.

Robra: El Demoniu Manegueru

Xugando col pallabreru.

Como paez que tenés ganes xugar y, ¡la verdá!, aparenta la cosa que sabés un montonáu coses de la Llingua Asturiana.....

Pa da-y una vueltuca a ello preparevos esti retu pa los escolinos de segundu.

Pallabreru Segundu A Santiago Cubillas on PhotoPeach

¡Que vos preste! ¡Munchu y bien!

El pirata.

"El pirata"

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

Y nel cai del puertu,

el vieyu pirata

cuenta a los rapazos

coses de la mar.

Fála-yos de guerres,

fála-yos d'ayalgues,

y diz que ye fácil

velu llorar.

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

"Xentiquina" & Nacho Fonseca

Na granxa de Nel.

"Na granxa de Nel"

Na granxa de Nel

pasen coses mui rares
agora vais ver
mirái que vos paez.

El xatu fala inglés
les pites van en tren
y el gochu merienda
na mesa y con mantel,
y el gochu merienda
na mesa y con mantel.

Na granxa de Nel
pasen coses mui rares
agora vais ver
mirái que vos paez.

El carru va al revés
baillen "ballet" los gües
y un par de coríos
trabayen nun hotel,
y un par de coríos
trabayen nun hotel.

Na granxa de Nel
pasen coses mui rares
agora vais ver
mirái que vos paez.

Un gallu que mercó
yá dibuxa perbién

y el burru, ¡qué burru!
cuenta de tres en tres,
y el burru, ¡qué burru!
cuenta de tres en tres.

Na granxa de Nel
pasen coses mui rares
agora vais ver
mirái que vos paez.

"Xentiquina & Nacho Fonseca

Faciendo amigos con Mime, Marila, Tinina y Omar.

"MIME, MARILA, TININA Y OMAR"

Mime, Marila, Tinina y Omar

quieren despacín

contigo falar.

Mime, Marila, Tinina y Omar

gústa-yos colorear.

Mime, Marila, Tinina y Omar

quieren despacín

contigo falar.

Mime, Marila, Tinina y Omar

gústa-yos colorear.

Lo mesmo que tú

al colexu van,

pásenlo perbién

si toca xugar.

Vinieron equí

yá saben sumar

y canten esti cantar.

Mime, Marila, Tinina y Omar

quieren despacín

contigo falar.

Mime, Marila, Tinina y Omar

los neños d’esti cantar,
los neños d’esti cantar.

"Xentiquina" & Nacho Fonseca

30/9/16

A vueltes con Colás y los sos aviones.

Pa que xuegues:

https://www.educaplay.com/es/recursoseducativos/2601150/a_vueltes_con_colas_y_los_sos_aviones.htm

Colás y los sos aviones.

Has de tratar investigar estes entrugues.....

¿Ónde vive Colás? ......
¿Ónde prentende allegáse?
¿Cúal ye'l nome de la población onde desemboca'l ríu Nalón y que tá bien cerca'l pueblu de Colás?
¿Cuála ye l'afamada ría ónde pesquen esi apreciáu animalín? ...
¿Cúal ye'l nome de la so escuela?

De los aviones que Colás fisga......

¿Cuál ye'l que fae'l viaxe más llargu dende Asturies?. ...
¿Cuál ye'l viaxe más curtíu? A ...
¿Cuál ye'l que faen más al Norte? A ...
¿Cuál ye'l que faen más al Sur? A ...
¿Cuál ye'l que faen más al Este? A ...
¿Cuál ye'l que faen más al Oeste? A ...
¿Cuál ye'l nome del aeropuertu de Madrid?
¿Cuál ye'l nome del aeropuertu de Barcelona?
¿Cuál ye'l nome del aeropuertu de Xapón?
¿Cuál ye'l nome del aeropuertu de Mallorca?
¿Cuál ye'l nome del aeropuertu de Londres?

Un rapacín de Ranón.

"Un rapacín de Ranón"

Un rapacín de Ranón

quiso montase n'avión.

De tantu velos pasar,

entro-y el rixu montar.

Un día la escuela piró,

col pilotu foi falar:

«Si me lleves al Xapón,

doite esta goma borrar.»

«¡Cómo presta

dir n'avión hasta'l Xapón,

cómo presta!»,

dicía'l neñu de Ranón.

Y equí termina'l cantar

d'un rapacín de Ranón

que, cola goma borrar,

fue nun avión al Xapón.

«¡Cómo presta

dir n'avión hasta'l Xapón,

cómo presta!»,

dicía'l neñu de Ranón.

«¡Cómo presta

dir n'avión hasta'l Xapón,

cómo presta!»,

dicía'l neñu de Ranón.

"Xentiquina" & Nacho Fonseca

Bienveníos y bienveníes

Bienveníos y bienveníes

Préstame enforma davos la bienvenía a toos y toes. A los pas y mas, a les families, a los escolinos, a los collacios y collacies de dientro y fuera la Comunidá Educativa, a los escolinos que lo fueren y a la xente qu'entra per equí a echar una güeyada y curiosear un pocu.

A toos vosotros, gracies. Sobremanera quería davos les gracies por facer posible qu'unu tea especialmente a gustu trabayando esta asinatura nesti Colexu.

Gracies por facer bien amañosa la estancia, el trabayu y el día a día. Gustaríame ponderar too ello y decivos que siéntome bien agradecíu por ello porque non siempre se dan estes circunstancies. Too esto fae qu'entamemos esti cursu nuevu con ganes y enerxía bien positiva.

Lo dichu, que seaes bienveníos y qu'esti cursu seya de provechu pa toos. Espero que lo pases perbién.

Munches gracies.

Santiago