Col motivu de la visita que ficimos al Muséu del Pueblu d'Asturies, traígovos equí un xuegu que tien ver con ello.
Espero vos preste.
10/5/17
La entrevista.
Resulta que, Irene Avilés de terceru fizo una entrevista perinteresante al rodiu del Guinaldo. Equí la tenés. Que vos preste. Y... munches gracies, Irene.
9/5/17
"Urriellu"
Al casu de lo que viéramos na clas de Llingua, a propósitu del Uriellu, Pedro Pidal, el Cainejo y el Parque Nacional de la Montaña de Cuadonga (Picos d'Europa), Marina de primeru A, apórtanos esta cosa tan guapa que tien que ver con ello.
"Nun me llamés Naranxu, que frutes nun soi quien dales, llamaime Picu Urriellu, qu'esi ye'l mio nome davezu"
Anónimu Popular
Si cutes na semeya, vas ser quien viaxar hasta'l Urriellu y velu nesti precisu momentín.
 |
| Refuxu del Urriellu |
Si quies viaxar hasta Bulnes trata de señalar na semeya que vien d'arréu:
Si lo que quies ye viaxar hasta'l Parque Nacional de la Montaña Cuadonga, (güei día conocíu como Parque Nacional de los Picos d'Europa), trataremos d'averanos a Cuaonga. Pa ello, calca na semeya.
Munches gracies, Marina
Resultáu "Concursu microrelatos Manolo Farpón"
Ya tenemos el resultáu desti "PRIMER CONCURSU MICRORELATOS MANOLO FARPÓN"
¡Norabona a toos y toes!
Norabona sobremanera a Nel Santos por llevase l'Asturina desti concursu n'asturianu.
Norabona sobremanera a Nel Santos por llevase l'Asturina desti concursu n'asturianu.
6/5/17
5/5/17
La nuesa Llingua y Cultura
Nesti día tan señaláu nun ta de más facer memoria dello pa nun escaecelo.
Calca na semeya
¿Conoces la lletra del nuesu himnu?
¿Oses aceutar l'envite? ¿Yes quien saber la lletra del nuesu himnu? ¡Vamos ver lo valiente que yes!
Calca na semeya si yes valiente.
Por si te sirve de gabitu, equí tienes el cantar:
Les señes d'Asturies.
Estos son les nueses señes, los de la nuesa tierra y cultura.
 |
| La nuesa bandera |
Himnu d'Asturies
Asturies, Patria querida,
Asturies de mios amores;
¡Ai!, ¡quién tuviera n'Asturies
en toles ocasiones!
Tengo de subir al árbol,
tengo de coyer la flor,
y dá-yla a la mio morena
que la ponga nel balcón,
Que la ponga nel balcón,
que la dexe de poner,
tengo de subir al árbol
y la flor tengo coyer.
 |
| Escudu d'Asturies |
La música del himnu d'Asturies ta interpretáu por
"Xentiquina" & Nacho Fonseca.
Gracies
"Xentiquina" & Nacho Fonseca.
Gracies
4/5/17
Esto ye.... super.
Cómo bien falamos na clas, apúrrovos estes semeyes pa la xera que tamos faciendo.
2/5/17
Selmana les Lletres Asturianes 2.017
Nesta ocasión trátase de davos conocer el programa desta Selmana les Lletres Asturianes 2.017.
Como novedaes tengo dicivos que hai actividaes nes que sedreis quien visitar y conocer el cascu históricu de Xixón ya Uviéu.
Tamién prestariáme poner enfotu que nestes feches les llibreríes que colaboren, faen descuentu si mercaes llibros o música n'asturianu. Pa ello vas tener que miralo nesti programa
Acabóse
Resulta que depués de 21 ocasiones o cursos esti añu acabáronse "Les Xornaes de Llingua y Cultura Asturiana de la fastera oeste de Xixón".
Estes Xornaes yeren perbién valoraes polos que nos dedicamos a les nueses Llingua y Cultura polo que llograben. Una pena que depués celebrase 21 Xornaes y cuando taben más que asentaes pasara esto.
Estes Xornaes yeren perbién valoraes polos que nos dedicamos a les nueses Llingua y Cultura polo que llograben. Una pena que depués celebrase 21 Xornaes y cuando taben más que asentaes pasara esto.
Prestariáme poner enfotu nes dos coses: na Llingua y na Cultura porque dende l'entamu estes Xornaes anduvieren bien de la mano porque nun pué ser d'otru mou. Yeren amás la xuntanza tamién col castellán y onde la nuesa Cultura tratábase dende les dos llingües.
Nestes 21 ocasiones los neños y neñes desta fastera de Xixón, de non pocos colexos compartíen talleres, conciertos, teatru, películes, vivencies, concursos y sobremanera el sintir dalgo nueso nel Atenéu Obreru La Calzada.
C.P.Atalía
C.P. Lloréu
C.P. García Lorca
C.P. Santa Olaya
C.P. Miguel de Cervantes
C.P. Tremañes
C.P. Martínez Torner
C.P. Príncipe d'Asturies
C.P. Xove
C.P.Montiana
Tou ello coles producciones lliteraries questos escolinos facíen y compartíen y que finaba cola entrega de premios por personaxes bien conocíos de la vida cultural asturiana. Esti premiu nomáu Mª Teresa González facíase en memoria desta escritora qu'amás de lluchar pola nuesa Llingua vivió y sintió nesta zona de Xixón.
Estos neños teníen por recompensa al so esfuerzu un montonáu llibros n'asturianu en particular y otra vegada igual pa la biblioteca'l so colexu. Amás espublizábase con esta ocasión un llibrín onde apaecíen les sos creaciones y cartelos.
Llibru que se daba a caún los neños destos colexos que participaren nestes Xornaes (toma-y nota de lo qu'ello yera pa caún destos neños o pa los sos collacios y el significáu de la normalización y presencia de la nuesa Llingua en caún de les cases y destos barrios de Xixón).
Escaecíame del cartelu que facía l'anuncia destes Xornaes que yera'l un trabayu premiáu por esti concursu y qu'esi neñu y los sos collacios veíen por tolos colexios comercios destos barrios. (Creo que l'arguyu destes persones y de caún de nos cola presencia del trabayu y la Llingua ye bien valoratible
De resultes del trabayu de muncha xente que nunca cobró una perra y gracies al so sentimientu pa cola nuesa Llingua y Cultura y sobremanera pa facela visible y valorar el trabayu destos neños túvose trabayandose de a h.echu. Persones como Cándido, Mª Xosé, Vicente Gª Oliva, Xulio Berros, Xandru y.....persones que facíen estos talleres o actividaes de baberu, tantes persones y maestros que me queden nel tinteru... acabáronse a pesar del apoyu dalgunes persones de la Oficina Normalización de la Llingua Asturiana del Ayuntamientu Xixón, de l'Academia de la LLingua, Caxastur....
Resultame bien triste ser el mensaxeru destes noticies pa les que nun tengo nengún remediu namás que trabayar por ello dende'l requexu del mio colexu. Eso sí, ya l'añu pasáu con ocasión de plantegar y trabayar poles 21 Xornaes dexé bien claru a tolos ellí presentes que'l facer desapaecer el concursu lliterariu nesi añu 2.016 yera acabar cola simiente y el motivu de toes estes Xornaes onde tolos neños compartíen Cultura y Llingua. Esti añu 2017... tamos yá nin Concursu Lliterariu, nin actividaes nin Xornaes.
Si daquién tien enfotu y quier poner procuru en que esto vuelva ser un exemplu de trabayu cola Llingua yo toi pola llabor de volver arrancalo pero precisáse que sea un llabor d'una comuña de xente y creo que dempués de ver cómo estan les coses nun val dexálo pasar hasta setiembre. Creo que l'empeñu y la intención de nun dexalo morrer tenemos que mostralo ya.
Santiago Cubillas
Suscribirse a:
Comentarios (Atom)