Una de mieu

UNA DE MIEU

Esnala que t'esnala

va un esperteyu,

salió de la ventana

d’aquel castiellu.

¡Ai qué mieu!

¡Vaya mieu!

Nun voi ser quien a dormir

¡Que non, que non!

Nun voi ser quien a dormir.

Rellámpagos a esgaya

vense nel cielu,

qu'allumen venti bruxes

en plenu vuelu.

Axenda escolar

Como dalgunos de vosotros andabaes porfiando por ello... equí vos dexó'l Demoniu Manegueru la famosa Axenda Escolar n'asturianu gracies a la Oficina de la Llingua de Xixón.

Señala la semeya

Baloncesto asturianu

Como munchos ya sabés... sinon sabéslo agora, esti ye'l mio deporte. ¡Que se va facer si unu non ye perfeutu!

Durante muncho tiempu dediqueme a elli y si agora non sigo ye pol tiempu y les obligaciones.. asina que non podía faltar nel blog esti deporte amás..

Esti añu espublizóse gracies a la llabor a la Oficina de la Llingua de Xixón el pallabreru que serás quien descargálu na semeya.

Por ciertu, con esa ocasión celebróse un partidín de baloncesto radiau n'asturianu, paez ser qu'el primeru na nuesa llingua.

¡Que vos preste!

Señala na semeya

Los Astures

Nesta ocasión falamos de los Astures, los nuesos antepasaos.

Los Astures

El pirata

El pirata

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

Y nel cai del puertu,

el vieyu pirata

cuenta a los rapazos

coses de la mar.

Fála-yos de guerres,

fála-yos d'ayalgues,

y diz que ye fácil

velu llorar.

Esta ye la historia

d'un vieyu pirata,

amu de los mares,

bravu capitán,

qu'un día la nortiada

llanzólu a la playa

y dexó'l so barcu

baxo la mar.

Danza de Santa Ana

Nestos díes llevamos una sorpresa grandísima.

Resulta que Gaelle de primeru A quiso agasayanos canciando la "Danza de Santa Ana" y quedamos ablucaos de lo bien que lo fizo.

A min quedáronme los güeyos clisáos con too ello.

Pero pa que sepaes de lo que tamos falando.... el Demoniu Manegueru, que taba en too, fizo de les suyes:

¿Que vos paez?

¡Norabona Gaelle!

¿Yes quien canciar con Mime, Marila, Tinina y Omar?

MIME, MARILA, TININA Y OMAR

Mime, Marila, Tinina y Omar

quieren despacín

contigo falar.

Mime, Marila, Tinina y Omar

gústa-yos colorear.

Lo mesmo que tu

al colexu van

pásenlo perbien

si toca xugar.

Vinieron equí

yá saben sumar

y canten esti cantar.

Mime, Marila, Tinina y Omar

quieren despacín

contigo falar.

Mime, Marila, Tinina y Omar

los neños d’esti cantar.

Dende'l pueblín de Corros

Equí vos dexó una crónica d'Iván García de sextu C, un los nuesos corresponsales  de sextu. A ver que vos paez.

"Paisaxe del pueblu de Corros"

 Pueblín de Corros

 Bolos del xuegu de bolos vaqueiros

 "Xubir mano" nel xuegu del bolu vaqueiru

 Colocar los bolos nel bolu vaqueiru

 Semeya de los montes de Xedré

Esti arbolucu que lu tenemos protexíu ye una ñozal. Tenémosla asina pa que non-y coman les fueyes los corzos y daqué otru animal estrozándola.

El Demoniu Manegueru diz que non se t'escaeza la robra na crónica qu'alluego non se sabe de quien ye

Fútbol

El periodista y detective Alberto Abejón de cuartu C....  descubriónos daqué del fútbol.

Resulta que tráxonos a la clas un llibrín mui prestosu que val p'acolumbrar un montonáu de coses del fútbol. Amás... ta n'asturianu y ye mui prestosu.

Falonos un pocu dello pero... lo meyor ye que nos convida a descubrilo a  nosotros.

¿Qué vos paez?

Equí lu tenés y amás pa descargálu.

Bravo Alberto

Señala na semeya y colarás a esti llibrín

Gracies a la Oficina de la Llingua de Xixón

El faru d'Iyán Estaya 7

Na granxa de Nel...

NA GRANXA DE NEL

Na granxa de Nel

pasen coses mui rares
agora vais ver
mirái que vos paez.

El xatu fala inglés
les pites van en tren
y el gochu merienda
na mesa y con mantel.

Na granxa de Nel
pasen coses mui rares
agora vais ver
mirái que vos paez.

El carru va al revés
baillen "ballet" los gües
y un par de coríos
trabayen nun hotel.

Na granxa de Nel
pasen coses mui rares
agora vais ver
mirái que vos paez.

Un gallu que mercó
yá dibuxa perbién
y el burru, ¡qué burru!
cuenta de tres en tres.

Na granxa de Nel
pasen coses mui rares
agora vais ver
mirái que vos paez.

Deportes tradicionales n'Asturies

Nesti vídeo apaecen la mayor parte xuegos y deportes tradicionales nuesos. Espero vos preste.

Señala na semeya y colarás pal vídeo.

Otru envite

Maite -la mamá- (ma n'asturianu), fae l'envite con esta cosadiella. ¿A ver quién ye recoyelu?

¿Qué cosadiella ye una cosa que...
fala y nun tien boca,
cuerre y nun tien pies y
esnala y nun tien ales?

Más refranes

Ana, de sextu A apúrrenos una estaya de refranes; a ver si cunde l'exemplu.

"Si les fabes en la pota ves ferver, apurre la sidra pa beber."

"El que regala bien vende...
si el que recibe lo entiende."

"Xineru nerviosu, febreru xelosu,
marzu ventosu y abril chuviosu...
fayen mayu, floríu y hermosu"

Munches gracies Ana

Nadie fue quien

Naide fue quien acertalu y... non yera tan dificultosu.

 ¿Qué cosa cosadiella ye una cosa que
tien la collor de l'ablana,
ablanes xinta tamién;
blincando de rama en rama,
esguilar failo perbién?

L'esguil

El segundu envite

¿Qué cosa cosadiella ye
una tabliquina
mui atablicada
siempre ta a techu
y siempre ta moyada?

Súpola perbién Carmen Ziyi de cuartu C

Si yes quien rascar la tarxetina atoparás la solución.

Munches gracies y norabona Carmen