13/2/13
La Polesina
LA POLESINA
Yo fui al Carmín de La Pola,
recuerdos traxe d’ellí,
yo quisi a una polesina,
y ella nun me quiso a mi.
Y ella nun me quiso a mi,
y d’otru se namoró,
y agora anda averiguando
la vida que traigo yo.
"La Polesina" por Nacho Vegas
10/2/13
"Les Hermanes de Xixón" ¿Cuala hora ye?
Sabemos que según el sitiu onde temos del planeta Tierra pue ser quel'hora seya diferente.
Vamos velo.
Eso débese a los meridianos yal acuerdu xeneral de toos los países por mantenelo -igual que pasó coles medides como'l metro, o el litru... etc-
Vamos velo.
Eso débese a los meridianos yal acuerdu xeneral de toos los países por mantenelo -igual que pasó coles medides como'l metro, o el litru... etc-
Tas viendo como repartieren en fasteres cada parte de la Tierra en llínees de norte a sur. Estes llínees noménse meridianos.
El meridianu pol qu'entamamos a contar les hores tien un nome especial: "Greenwich" o meridianu ceru. Per ellí entamamos a cuntar sumando una hora o quitándola en sentíu contrariu.
Vas velo nesti gráficu. Fae la prueba. Calca neses lletres.
El meridianu pol qu'entamamos a contar les hores tien un nome especial: "Greenwich" o meridianu ceru. Per ellí entamamos a cuntar sumando una hora o quitándola en sentíu contrariu.
Vas velo nesti gráficu. Fae la prueba. Calca neses lletres.
Estos enllaces vos valdrán pa entendelo meyor y poder facelo.
8/2/13
Les Hermanes de Xixón. Festival Albuquerque
N'Albuquerque cellébrase un festival dedicaú alos globos. Ye algo digno de vese. Xúntase xente de tou'l mundu.
7/2/13
L'osu
L'OSU
Un osu soi,
bien gordu toi
y plasma la xente
per onde voi.
Soi un llambión,
soi un fartón:
lo mesmo da miel que salmón.
Dalgún pastor
que m'atopó,
al veme, clisó.
Corriendo coló.
Depués de too,
si se asustó,
la culpa nun la tuvi yo.
Nel mio país
vivo feliz
y fáigolo bien
xugando al parchís.
Soi un llambión,
soi un fartón
y salgo na televisión.
6/2/13
El reló l'ayuntamientu.
EL RELÓ L'AYUNTAMIENTU
Tac,tic,tac,tic,tac,tic,tac,
el reló l’ayuntamientu,
tac,tic,tac,tic,tac,tic,tac,
cuerre que te correrás.
A les cinco ta nes diez,
a les siete ta nes tres,
tac,tic,tac,tic,tac,tic,tac,
cuantayá que nun val pa ná.
Tac,tic,tac,tic,tac,tic,tac,
el reló l’ayuntamientu,
tac,tic,tac,tic,tac,tic,tac,
cuerre que te correrás.
A les cinco ta nes diez,
a les siete ta nes tres,
tac,tic,tac,tic,tac,tic,tac,
cuantayá que nun val pa ná.
El nuesu primer Glog. El Guirria
Esti ye'l nuesu primer Glog. Trátase del de Miguel Fernández de quintu C.
¡Norabuena Miguel! Ta perbién.
A vosotros ¿que vos paez?
"Les Hermanes de Xixón": La Habana. La gastronomía.
¡MMMMmmm!
Fixaívos como aprovechen los alimentos.
5/2/13
Glogster. Cartelos y pósters.
Esta ferramienta ye pa facer un cartelu bien prestosu, una presentación un.... ¿qué discurres tú?.
Déxovos un par de tutoriales.
Tutorial de Toondoo
Esti ye un tutorial pa ser quien facer cómics n'asturianu.
Bien sabes que ye una llabor pa sextu y quintu pero... si daquién más s'apunta, ye bienveníu.
Tamién tenés el tutorial en vídeo pero en castellán:
Espero que vos preste.
Mazcaraes d'Iviernu: ¿Acordaisvos?
Gracies y ¡Norabona!
Paez qu'el envite y l'empeñu de caún d'estos garrapiellos de bona xente van sacando alantre la recuperación d'esta parte de la nuesa cultura.
A mí quedame dende equí apoyalo, valoralo, animalo y dá-ylo conocer a los escolinos.
Gracies pol vuesu empeño y pola llabor.
Esti video débese a 4931granda
- Los Sidros en Valdesoto Febrero 2012 xunto con:
- La Vijanera de Silió ( Cantabria)
- Guirrias y Madames de Llamos de la Ribera ( Lleón )
- Os reises de Valledor (Ayande)
- L'aguinaldo de Xedré ( Cangas de Narcea)
- Os reises de Tormaleo ( Ibias)
- Escolinos de l'escuela de Faes (Valdesoto)
- Grupu de teatro de Carbayin y la bandina del grupu Principau d'Asturies.
Video fechu por J.Carlos Granda en Homenaxe a los Sidros y Comedies de Valdesoto.
4/2/13
Panoyas y xuguetes
Falamos dello y dixéramos qu'enantes, los nuesos antepasaos, aprovechaben les coses pa facer con elles lo que necesitaben.
Eso del reciclaxe practicábenlo sempre como veis.
Coles panoyes y les fueyes facían moñecos como a los que-y estais echando una güeyada, pero tamién facíen ramos y daqué otres coses.
Estes tráxolas el añu pasau a clas pa enseñalas una escolina bien atenta. Dende equí doi les gracies. La verdá, yo ya no cuntaba atopar estos xuguetes nunca más.
Agora quiziás entendaes porqué porfiaba en qu'entrugases a los vuestros parientes por xuegos, cancíos, xuguetes y coses coles que s'entreteníen o xugaben cuando yeren chicos.
El Demoniu Manegueru y yo tamos esperando a ver que ye lo qu'aportaes y enseñaes a toos. ¡Ah, pero no val cuntalo namás! Trátase d'énseñalo nesta ventanuca del blog pa tol mundu.
Ya sabés que podemos facelo por escritu, con semeyes, grabáu nuna entrevista (pero tenés que traer les entrugues que puedo facevos por escritu)... etc. Yo echarevos un gabitu.
¡Tamos toos a la espera destes novedaes!
 |
| Ramu |
¿Seremos quien cuntar contigo?
3/2/13
"Les Hermanes de Xixón": La Habana. La música.
La música ye algo perimportante pa los cubanos y una muestra ye esto.
Tendrán munchos años pero... ¡lleven ritmu!
Nomáronla la reina de la salsa... Celia Cruz. Pero canciaba, son cubano, congas...
De dispidía... esta afamada canción con imáxenes.
2/2/13
Mazcaraes d'Iviernu: Cantar d'aguilandu y Reis
Esti ye un cantar d'aguilando que toca el grupu "La Bazanca" de Castiella y que va recoyendo esos cantares tradicionales que tan casi escaecíos.
Grupu "La Bazanca" - Paco Díez.
"Aguilandu y Reis". (Asturies).
Grabau en direutu n'Avientu de 2008 nel Aula Museu Paco Díez d'instrumentos tradicionales Ibéricos (Mucientes - Valladolid), dientro del ciclu las 10 y 1 nueches.
El conciertu llámase "ente Nuechebona y Reis" e intervienen:
PACO DÍEZ : Voz, guitarra, zanfona, gaites y percusiones.
RAMIRO GONZÁLEZ : Voz, zanfona, laúd, gaita galega y percusión
LUIS MEDINA: Voz, caxón, quixada, cajita, bongos y otras percusiones
MANUEL GARCÍA REÁTEGUI : Voz, guitarra, baxo acústicu, sikus y percusión.
Vídeo Fran Hervada. Soníu Armando Records
Suscribirse a:
Comentarios (Atom)