Tresformando formatos d'archivos.

 Ya sabés, pa non tracamundiar too ni facevos un líu tremendu, que tenés que señalar na semeya del vuestru cursu pa non confundir el llabor col d'otru cursu. 

Tamién sabés, que pal final d'esta entrada, apaecen les etiquetes a les que se refier esta entrada. Asina que pa que vos quede bien claru: Esto ye pa los quintu y sestu.

Nesta ocasión trátase de camudar los archivos de formatu. Pa ello vamos sirvinos d'un programa que fae un montonáu trabayu con casi tolos formatos.

Descárgenlu dende equí, los que non fueron quien dende l'aula virtual. Dempués, apurren el trabayu al profe en formatu mp3.

¿Cómo? Pues.... ya creo deberás sabelo: pol Aula Virtual desde casa o dende clas.

Trabayando de seguío.

Güei finaremos lo entamao la selmana pasada na clas.

Trátase de facer el llabor como periodistes que soes.

Cómo habíamos falao en clas la selmana pasada, trátase de facer una crítica constructiva a la crónica que fizo un de los nuesos reporteros.

Pa ser quien a ello, entramos nel Aula Virtual y siguimos les instrucciones:

a.- Descargamos la grabación de la crónica del nuesu reporteru.

b.- Ponésmola por escritu y correximos aquello que veamos que non ta al sen.

c.-. Facemos una crítica constructiva.

Pa facelo como tien que ser vamos valinos del programa OpenOffice Portable que vos apurro equí.

En finando, has d'apurrímelo colos tos datos usando l'aula virtual axuntando l'archivu de testu.

Les grabaciones de los reporteros desta selmana pa descargar son (ápúrrovos tamién equí l'enllaz por si daquién tien problemes nel Aula Virtual):

 

Día d'Ánimes, Difuntos y Tolos Santos por Elisa Cañedo, Celia Corrales y Aitana Augusto 6B

 

 

Día d'Ánimes, Difuntos, Tolos Santos por Lucía Díez 6C

Día d'Ánimes, Difuntos y Tolos Santos por Laura 5A

 La Güestia por Juan García 5B

 Avisu:

Pa los que usen como escusa non tener el programa de grabación.... equí lu tienen.

Primeros pasucos col ordenador.

Esti ye'l llabor que vos encomendé. Vamos faciéndolu poquiñin a poquiñin.

1.- Camudar el nome'l llápiz USB poniéndo'l nuesu nome o daqué otru col que conocelu pa ser quien atopalu meyor nos directorios del ordenador.

2.- Ordenar el llápiz USB con carpetas bien organizaes pa non tener un barullu d'archivos dientro de tres díes y non ser quien revolvenos nello. 

a.- Pa ello creamos una carpeta nueva col nome "Programes Portables" onde asitiaremos los programas portables que van valinos pa trabayar en cualquier ordenador que nos asitiemos.

b.- Creamos otra carpeta col nome la nuesa asignatura "Llingua Asturiana"

3.- Descargamos el programa "USB Disk Eject" dende esti enllaz

Esti programa va servinos pa sacar el llápiz USB con seguranza del ordenador. Non tenemos qu'instalalu en programes portables, pero sí nel raigañu del llápiz.

4.- Descargamos estos programes que van servinos pa desentroxar y estruxar archivos. Desplicaremos en clas como se fae pasín a pasín.

5.- Descargar e instalar estos navegadores portables

Instálalos na carpeta de "Programes Portables" faciendo una carpetuca col nome "Navegadores Portables".

6.- Descargamos el programa OpenOffice Portable col que podremos desencolcar la mayor parte los llabores de clas. (Asitiámoslu na carpeta de Programes Portables).

Resumen tecnolóxicu... ye un decir.

Como resulta que dalgunos entovía anden daqué desorientaos, equí y-os dexo tamién otros enllaces paque seyan quien a descargar los programes que necesiten.

De toes formes non ta demás recorda-yos que deben usar l'Aula Virtual porque ellí tienen la información, los tutoriales y la clas al casu.

Señala na semeya y pon procuru.

Aprender a estudiar.

Entamo esti requexu onde los pas, mas y familia alcuentren abellugu y conseyu pa la educación de los sos fíos.

Anque ta en castellán sírvenos al casu pa lo más principal: el provechu de los nuesos escolinos.

Nesta páxina web que vos presento atopareis un camín bien provechosu pa la familia y pa los neños.

Pincha na semeya

Nesta presentación, propóngovos que-y deis una güeyaduca a los conseyos pa los pas, mas y familia. Nes selmanes vinientes trátase que, pocu a pocu y de a fechu, recorraes caúna de les partes desta páxina.

Pergamin 18.- Conseyos pa pas.

Pincha na semeya y atopa'l papiru.

Los conseyos xenerales tan encaminaos a que los propios escolinos entren na páxina y descubran los pasucos a tener en cuenta.

Pergamín 1.- Conseyos xenerales.

Pincha na semeya y atopa'l papiru.

El Sumiciu

Como vimos en clas, falamos de dalgunos personaxes de la nuesa mitoloxía.

Nesta ocasión trátase de la Serena, los Espumeros y el Sumiciu. Por ello, el Demoniu Manegueru encargóme vos dexara equí esti cuentu tan prestosu del Sumiciu que por ciertu, cúntalo'l Nuberu.

¡Que vos preste!

"El regalu del Sumiciu"

Cuentacuentos de "Presta a esgaya"

En tiempu....

Resulta que la llabor pa dalgunos escolinos ta escaecía, o perdióse por no sé que sitiu.

Pa los que non s'alcuerden voi dexar esta notuca.

 La llabor yera la siguiente:

1.- Trátase de facer un reportaxe, como bonos reporteros o periodistes que soes y d'investigar un pocu.

2.- Facer un esquema cola información sobre´l Día d'Ánimes, Difuntos o Tolos Santos, según el cursu, o sobre personaxes destes feches.

3.- Descargar el programa Audacity Portable dende l'Aula Virtual.

4.- Facer una grabación que non llegue a tres minutos.

5.- Reconvertila a formatu mp3 col programa Format Factory Portable.

6.- Mandar la llabor usando l'Aula Virtual (Edmodo). Alcordase de poner el nome, cursu y títulu del reportaxe.

7.- Ya tenía que tar too fechu y entregáu. Les notes van al casu.

Pa aquellos que tienen daqué dificultá teúnica ya soes quien ver que vamos arreglándolo y voi echándovos un gabitu nel aula. Tamién pues usar l'aula virtual pa ello como dalgunos ficisteis, pa ello ye.

Espero que los que tarden....espabilen.

Difuntos y Tolos Santos. Noticies. Mitoloxía Asturiana.

Laura, de Quintu A, tuvo esculucando y tratando descubrir un montonáu de coses nueses. 

Sí, home sí, coses d'Asturies y de la nuesa tradición y cultura (del nuesu raigañu).

El casu ye que esta reportera va pa famosa nesto del periodismu porque fixáivos que peazu reportaxe y noticies nos trae.

Espero vos preste, a mín prestome asgaya.

Robra: 

El Demoniu Manegueru

Los tres gochinos.

Un cuentu... o dos.

Nesti casu trátase del cuentu "los tres gochinos". 

Que vos preste.

Robra: 

El Demoniu Manegueru

Mitoloxía asturiana. Difuntos y Tolos Santos.

Estrenamos la Radio "El Demoniu Manegueru" col programa dedicáu a Difuntos y Tolos Santos. 

Nelli, los reporteros y periodistes que tenemos tan avispaos, van traenos un montonáu de noticies bien prestoses dempués investigar bien dello.

Esperamos vos preste.

Xuan García de quintu B apúrrenos una crónica bien prestosa (dempués de pasar munches calamidaes y peligros) tras el so alcuentru cola Güestia.

Alcordanza Difuntos-Tolos Santos

Señala nes semeyes pa colar pal enllaz al casu.

Quintu

Sestu

Difuntos-Tolos Santos 2013

Ya que tamos en vísperas de Difuntos y Tolos Santos vamos recordar tolo fechu nel cursu pasáu. Asina refrescaremos un pocu la memoria  y trabayaremos al casu.

Pinchar nes semeyes y colarás pa los enllaces dello.

Pincha na semeya

Primeru

Segundu

                                       

Terceru

Cuartu

¿Yes quien a ello?

¡Ummm... !  Paez que caún de vosotros sabe muncho más de lo que aparenta.

Siendo asina convídovos a ver si sois quien facer esti llabor.... ¿Osaes?

Pallabreru 1 on PhotoPeach

El faru d'Iyán. Estaya 1.

¿Sedrás quien a ello?

Trátase de canciar esta versión de "Chalaneru", ún de los cantares más señalaos na nuesa llingua.

Esta ye una versión diferente a la del llibru de sextu.

Espero que vos preste.

Les contracciones.