Tamién esisten "Os Reises" de Tormaleo con diferencies a los demás. Esperemos que col enfotu de la xente que mira por ello lleguen a recuperase del tou. Tamién ta na to mano facer algo por ello dándolo a conocer a la xente.
La "Reisada", ye un baille de mázcares que se representaba n'Ibias al rodiu del Día Reis.
Los mázcaros, que representen dellos estamentos sociales del llugar, depúes de pasar dellos díes percorriendo´l conceyu, xúntense´l Día Reis a la puerta misa, faen una estrueldosa "función", un a modu de Baille de Mázcares, y el públicu canta un romance mientres-yos da l'aguilandu.
El romance, fai referencia al nacimientu de Cristu y l'Adoración de los Magos, pero hai un datu mui a destacar: A Reisada nun puede, enxamás, y baxo nengún conceptu, entrar na ilesia, ye más, consideraríase un sacrilexu y casi que blasfemia que lo fixera.
Espera al públicu fuera pa, n'acabando la misa, entamar toos la función.
No hay comentarios:
Publicar un comentario