28/3/13
L'agua yera y ye bien necesariu.
 |
| Añu 1954 |
Como bien sabés y falamos de l'agua ye dalgo necesariu tolos díes.
Nesti casu trátase de llavar la ropa. ¿Qué vos paez el trabayu que daba?
¿Sedres quién investigálo y entrugar?
 |
| Añu 1946 |
La Xana por Corquiéu
El grupu musical Corquiéu apórtanos esti prestosu cantar nomáu "La Xana" que creo dalgo tien que ver colo que tamos viendo de mitoloxía asturiana.
¡Que vos preste!
¡A por agua!
¡A por agua!
Piloña 1948
Esta semeya, creo vos va dar qué pensar.
Lo que lleven na tiesta servía p'acarretar l'agua.
Imaxinae'l pesu que llevaben.
¿Cómo se nomaba esi aperiu? ¿De qué taba fechu? ¿Qué se ponía entre esi cacharru y la testa?
¿Sedrás quien entrugar por ello?
27/3/13
26/3/13
Fala non caduca
¡Fae ya tiempu!. Tocaba ya que vos pusiera daqué vídeo de música na nuesa Llingua.
Esti grupu nómase "Fala non caduca" y fácenlo perbién... polo menos pa mín.
Ya col so nome...diznos muncho. Espero vos preste
La escuela del pasáu
La escuela rural nel nuesu pasáu. Muséu de la escura rural d'Asturies.
A lo meyor discurres daqué pa entrugar a los más mayores del pasáu de la escuela. ¿Cómo yera? ¿Qué asignatures teníen? ¿Cómo yeren los mayestros?
Cabruñar y segar
Sedrás quien entrugar por estes coses.
La verdá que ye algo que pocu a pocu desapaez.
Ya non se siente'l ruíu del martiellu nel cabruñu ni tampocu se ven ya les xuncles o los fierros peles cuadres y les cases.
¿Sedrás quien investigálo y cuntánoslo?
Muyeres y horros. Del documental Horros Ayalgues y d'Asturies
El papel de la muyer fue perimportante, nesti casu, el reportaxe desplica too esto y muncho más. ¡Que vos preste!
25/3/13
24/3/13
Monumentos Naturales d'Asturies (1ª estaya)
Alberto Montes ye'l responsable destos vídeos y tamién de los de "Horros y paneres d'Asturies".
Una llabor bien prestosa y agradable contemplar.
Gracies Alberto.
Espero vos presten tanto como a mí.
Por suerte n'Asturies tenemos un buen montonáu de monumentos naturales. Sí, árboles como carbayos bien vieyos, castañeos, fayeos, ríos, cueves, viesques... tamién son monumentos... pero naturales.
¿Tú... vas curiálos y caltenelos mirando por ellos pa poder presumir dellos o vas dexar que s'acaben por descuidalos?
Por suerte n'Asturies tenemos un buen montonáu de monumentos naturales. Sí, árboles como carbayos bien vieyos, castañeos, fayeos, ríos, cueves, viesques... tamién son monumentos... pero naturales.
¿Tú... vas curiálos y caltenelos mirando por ellos pa poder presumir dellos o vas dexar que s'acaben por descuidalos?
Horros: Ayalga y arca d'Asturies
Nesta ocasión traígovos un reportaxe que me dexó ablucau.
La verdá ye que a min gustóme muncho.
Débese a Jaime Santos que fizo una llabor perbona y si non... echáe una güeyada y comenta-y.
22/3/13
Un chinu de China
"Un chinu de China"
Un chinu de China
inventó un robó
que dexa la casa
llimpia como’l sol.
Frega la cacía
y non pon mandil,
tu seques un platu
y él seca diez mil.
Fai les cames, plancha,
barre'l comedor,
anda como un tiru
y nun tien motor.
Entrugué-y al chinu
si vendía'l robó
y mui educáu,
díxome que non.
Un chinu de China
inventó un robó
que dexa la casa
llimpia como’l sol.
¿Agua? ¿llavar la ropa?
Fae tiempu (güei tovía en dalguna casa) resulta que non había nin agua ni lletricidá. Asi too la xente arreglábase pa facer les mismes coses que güei: comer, llavar, cebar los animalinos, llimpiar... etc.
Equí vos dexo una semeya que vos va dar que pensar.
La vuestra llabor ye entrugar que son estes coses y pa qué sirven o cómo les usaben. Pa esta xera precises entrugar a los más mayores de la casa o a los vecinos.
Esta xera ye pa estos díes de vacaciones que munchos de vosotros colareis pa casa los güelos.
¡Ah!, escaecíame decivos que vos encomiendo traigaes apuntáu el nome d'esi sitiu del que ye la vuesa familia; del Conceyu y del llugar, del güelu y la güela, de los antepasaos...
Vamos facer con ello una cosa bien prestosa na clas.
21/3/13
Partes del horru y la panera.
Como paez qu'esto de los xuegos vos gusta... equí vos dexo otru al rodiu l'horru y la panera.
Como paez sois quien diferenciar l'horru de la panera... equí tenés otru retu ¿Serés quien xugalu y finálu?
El bolo vaqueiro
Nesta ocasión enllazo cola páxina web de la Asociación Bolo Vaqueiro onde atopáreis el reglamentu y toos los detalles desti deporte tradicional asturianu.
Espero vos preste.
19/3/13
Marta apórtanos unes madreñes bien curioses.
Bonos dies Santiago ya que tamos falando de les madreñes mándote esta semeya d'unes madreñes.
Marta Suárez Naredo -cuartu A-
Paezme perbién Marta, ye una semeya bien curiosa na que vemos el trabayu y les señes del madreñeru.
Mui al casu Marta. Asina da gustu.
Santiago
18/3/13
L'horru y la panera
Como resulta qu'estos díes esti tema y estes construcciones apaecieren nel día a día de la clas, paezme una bona ocasión pa entamar con ello.
Por ello equí tenés un xuegu nel qu'apaecen les partes del horru y la panera col so nome.
¡Ummmm.... trátase d'un xuegu pa valientes! Asina que.... ¿sedrás quien resolvelu?
El Demoniu Manegueru ta esperándote dientro y Santiago... amirando lo qu'asocede.
Alcordaevos que si calcaes la tecla Control a la vez que xiraes la ruedina del mur, la pantalluca pa xugar fadrase más chica o mayor.
Collax d'Asturies.
Laura Molins de sestu C apórtanos un colax d'Asturies.
Yo creo que ye bien guapu. ¿Daquién ye quien asitiar los llugares destes semeyes?
15/3/13
11/3/13
La fame
Resulta bien llamativu la memoria y l'alcordanza desta muyer. Cunta la so vida de cuando yera neña y de lo que-y tocó vivir nun momento históricu bien difícil.
10/3/13
Cosadielles por Alba García
Alba Garcia 6C apúrrenos estes cosadielles:
Tién cuatru pates y non ye a movese,
tién comida nel so llombu
y non ye a comela?
Ye delgauca y alta,
tién un únicu güeyu,
fae vestíos
y non se los pon?
tién un únicu güeyu,
fae vestíos
y non se los pon?
Ye guapu per delantre,
y feu per atrás,
trensfórmase a cada momentu
pues sonsoña a los demás?
-¿sólo bebe pelos pies?
Fala y non piensa,
ríe ensin razón,
miente ensin intención
y, cuando fales con elli,
fálate ensin responder
¿Yes quién resolvelos?
Cosadiella por Eva Barcia
Sólo se l.lorar y l.lorar
pero coles mios llágrimes
consigo'l xardín allegrar.
Eva Barcia 6uA
Carmen Ziyi 4u C diz que ye:
Eva.. ¿tá no ciertu?
Suscribirse a:
Entradas (Atom)