Ángel Sanz Briz

Col motivu la celebración del Día la Paz nun tá de más l'alcordanza dalgunos héroes que tenemos bien cerca y que nun-yos facemos casu.

Falo d'aquellos que nos momentos más duros y difíciles tomen una postura bien valiente pa la defensa de los más perseguíos o débiles. Nesi momentu vese'l calibre destes persones.

Trato de falavos destes persones que regalen esi bien tan preciáu que ye'l so tiempu y colen, nos sos descansos o vacaciones, gastando les sos perres y poniéndoles a cambiu de nada por acudir echar un gabitu salvando a la xente que fuye güei día de guerres pela mar. Xuéguense la vida por unes persones que nun conocen. Suelen ser persones anónimes o profesionales como bomberos, mélicos o enfermeres.

Tamién trato de falavos de les persones cercanes que teneis en casa y que cuando daquién de la familia discute o cafia, trata de resolvelo o aminorar esi problema o enfadu. Eso ye tamién puxar pol acuerdu y la paz escontra les riñes y el mal entendimientu.

Fae nun tantu tiempu asocedío una guerra n'Europa y nel mundu. Nesi momentu precisu, dalgunes persones del nuesu país xugáronse la vida por facer el bien por humanidá y por persones que nun conocíen de nada. Algunu d'ellos llegó a fenecer por ello.

Nun tá de más recordalos, ya qu'ellos nunca trataron de ser protagonistes y de figurar en ningún llau polo que ficieren.

Estos héroes de los que falo vivieren na Segunda Guerra Mundial y dende'l puestu que teníen fuera'l nuesu país ficieron lo posible por salvar a xente de los horrores d'esta guerra.

Nun ye tema de númberos, pero dalgunos de los qu'equí vos presento, salvaren muncha xente y nun yos faen llibros nin son protagonistes de películes.

ÁNGEL SANZ BRIZ (1910-1980)
ENCARGADO DE NEGOCIOS (BUDAPEST, 1942-1944)

MIGUEL ÁNGEL DE MUGUIRO Y MUGUIRO
MINISTRO (BUDAPEST 1938-1944)

“JORGE” (GIORGIO) PERLASCA (1910-1992)
FALSO CÓNSUL (BUDAPEST, 1944-1945)

JOSÉ RUIZ  SANTAELLA Y  CARMEN SCHRADER (1904-1997)
AGREGADO DE AGRICULTURA (BERLÍN, 1942-1944) 

SEBASTIÁN  ROMERO RADIGALES (1884-1970)
CÓNSUL GENERAL  (ATENAS, 1943-1945)

PADRE IRENEO TYPALDOS (1898-1973)
CANCILLER (ATENAS, 1942-1944)

JOSÉ ROJAS Y  MORENO (1893- 1973)
MINISTRO (BUCAREST, 1940-1943)

MANUEL GÓMEZ-BARZANALLANA Y GARCÍA (1876-1964)
MINISTRO (BUCAREST, 1943-1945) 

JULIO PALENCIA Y ÁLVAREZ-TUBAU (1884-1952) 
MINISTRO (SOFÍA, 1940-1943) 

EDUARDO GASSET Y DÍEZ DE ULZURRUN  (1907-1996)
CÓNSUL Y ENCARGADO DE    NEGOCIOS (ATENAS Y SOFÍA,  1941-1944)  

BERNARDO ROLLAND Y  DE MIOTA (1890-1976)
CÓNSUL GENERAL (PARÍS, 1939-1943)

ALFONSO FISCOWICH Y GULLÓN (1884-1972)
CÓNSUL GENERAL  (PARÍS, 1943-1944)

EDUARDO PROPPER Y DE CALLEJÓN (1895-1972)
PRIMER SECRETARIO  (BURDEOS, 1940)

ALEJANDRO PONS BOFILL (1896-1944)
VICECÓNSUL HONORARIO (NIZA, 1939-1944)

ANTONIO ZULOAGA DETHOMAS (1906-1981)
AGREGADO DE PRENSA (PARÍS-VICHY-ARGEL, 1939-1944)

LUIS MARTÍNEZ  MERELLO Y DEL POZO (1892-1958)
CÓNSUL GENERAL (MILÁN 1937-1942)

FERNANDO CANTHAL Y GIRÓN(1896-1964)
CÓNSUL GENERAL (MILÁN, 1943-1945)

SANTOS MONTERO SÁNCHEZ o SAMUEL SKORNICKI (1899-1957)
FALSO VICECÓNSUL   (SAINT-ÉTIENNE, 1942-1944)

L'Ánxel de Budapest. Ángel Sanz Briz.

"Cantar del sultán"

El cantar del sultán

Soi'l vieyu sultán

d'un lexanu país

Los mios grandes cañones

son de regaliz.

Si yo nun pienso igual

que'l rei del país vecín,

iguamos los problemes

al parchís

Soi'l vieyu sultán

d'un lexanu país

Los mios grandes cañones

son de regaliz.

Si yo nun pienso igual

que'l rei del país vecín,

iguamos los problemes

al parchís

Los mios aviones tiren

chocolatines.

Los mios barcos de guerra

son de papel.

Y pienso mercar

cien carros de gües

y, en vez de pistoles,

un pastel.

Soi'l vieyu sultán
d'un lexanu país
Los mios grandes cañones
son de regaliz.

Si yo nun pienso igual

que'l rei del país vecín,

iguamos los problemes

... al parchís.

"Xentiquina" y Nacho Fonseca

Discu: "El sapu y la lluna"

Visaos pola Llibertá

Otres persones tal como Ánxel Sanz Briz tamién ficieron por ello. Equí apaecen dalgunos que ficieron lo que la so conciencia y dignidá salvaren munches vides.

¿Cómo iguar una grulla papel?

Si quies iguar les tos grulles... ¡sólo ties que ponete a ello!

Esti ye un vídeo nel que nos enseñen cómo iguar una grulla papel. ¿Anímaste?

Si non vos acuadra y precises que daquien t'eche un gabitu señala nesti enllaz.

Sadako Sasaki y les mil grulles de la Paz

Día la Paz. La esperanza

Nestos díes, el mensaxe ye d'esperanza. Caún de nosotros ye quien camudar el mundu entamando polo que tenemos más cerca.

Si non yes quien creelo... echa-y una güeyada al vídeo.

¿Y tú?......

                      ¿Serás quien camudar el mundu?

Les grulles de la paz nel nuesu colexu

In memorian Sadako

Sadako y les grulles de la Paz.

Día de la Paz

Güei ye'l Día de la Paz. Los escolinos de primeru celebrámoslo nel colexu.

Equí tenemos un par de semeyes. ¡A ver que vos paez!

L'Ánxel de Budapest

Trató de salvar a la mayor parte les persones.

Por desgracia ye un héroe pocu conocíu en casa.

Nel extranxeru conócenlu como'l Schlinder español.

Yo tuve ocasión d'echar una güeyada en Budapest a la placa en memoria d'elli.

Quedé plasmáu col enfotu y respetu que tienen los húngaros coles persones que consideren héroes.

Suelen dexar flores en recuerdu destes persones a pesar el tiempu qu'ocurrieren estos asocedíos.

L'homenaxe d'aquellos que salvaren el pelleyu a cuenta d'Ánxel Briz ye dexa-y una piedriquina percima la sepultura. Ye un vezu xudíu.

Ángel Sanz Briz

Una película desta hestoria humana

Día Mundial l'Holocaustu. Ángel Briz

L'Ánxel de Budapest. Ángel Sanz Briz.

Día Internacional en memoria l'Holocaustu

 Día Internacional en memoria l'Holocaustu

 
El 1º de noviembre de 2005, l'Asamblea Xeneral de les Naciones Xuníes aprobó'l resolvimientu 60/7 na que designó la fecha del 27 de xineru Día Internacional de Conmemoración añal en memoria de les víctimes del Holocaustu.

Tres l'aprobación del resolvimientu, el Secretariu Xeneral de les Naciones Xuníes describió esti día especial como "un importante recordatoriu de les enseñances universales del Holocaustu, desastre ensin igual que nun podemos escaecer nin dexar sin recordalo pa non volver repetilo".


Los horrores de la segunda guerra mundial dieron llugar a la creación de les Naciones Xuníes. El respetu de los derechos humanos de toos, ensin faer distinción por motivos de raza, sexu, idioma o relixón, ye unu de los mandatos fundamentales previstos na so Carta. 

El Secretariu Xeneral de les Naciones Xuníes, Kofi Annan en 2005, recordó que "la repulsa al xenocidiu, al asesinatu sistemáticu de seis millones de xudíos y millones d'otres persones foi tamién unu de los factores que promovieron la Declaración Universal de Derechos Humanos". El Secretariu Xeneral amestó que "les Naciones Xuníes tienen la responsabilidá sagrada de combatir l'odiu y l'intolerancia. Si les Naciones Xuníes nun tán a la vanguardia de la llucha contra l'antisemitismu y otres formes de racismu, nieguen la so hestoria y torguen el so futuru ".


El 27 de xineru foi escoyíu pa conmemorar el Día Internacional del Recuerdu del Holocaustu porque nesa fecha, en 1945, l'exércitu soviéticu lliberó'l mayor campu d'esterminiu nazi, en Auschwitz-Birkenau en Polonia). Dellos países conmemoren yá esti día pa recordar a les víctimes del Holocaustu.