Güei tuvimos de viaxe cola viquina....pol Urriellu, por requexos d'Asturies y festexando la primavera.

 

Cursu 2.020-21       

"La viquina" (el cernícalo),

 pol grupu Corquiéu

Pallabreru:

viquina
viesca

nial-ñeru

cimero-cumal

corquiéu

xixilar

espoxigar

Urriellu

pica

achisbar

aportar

esnalar

a la gueta-(a la búsqueda)
llar

tueru
rebollu

agospiar

branu

cordalera

al riscar

gaviluetes

glayar

bientar

De viaxe ..... colamos tres la viquina

Marina de primeru A nel cursu 2016-17 y qu'agora tá en quintu, aportonos esta cosa tan guapa que tien que ver col Urriellu.

Ello venía a cuentu de lo que faláremos esi día, tiempu atrás na clas, a propósitu del Urriellu, Pedro Pidal, el Cainejo y el Parque Nacional de la Montaña Cuadonga (Picos d'Europa). 

Esti sitiu, como bien sabedes, ye mui especial pa min. D'un requexu del Parque Nacional o, como lo llamams, del Puertu, ye la mio familia y fué'l mio patiu de xuegos nuna edá bien feliz colos mios güelos y mio tía de los que siempre bien orgullosu toi.  De cómo yeren y de la educación que me dieren y de cómo m'enseñaren a querer, curiar y valorar estos sitios, la so xente, la ñatura, los paisaxes  y los animalinos. 

Bien orgullosu toi del cariñu y los saberes qu'unos cenciellos pastores m'aportaren pa ser meyor persona.

Espero vos preste tantu como a mí lo qu'equí vos apurro.

Robra: Santiago

"Nun me llamés Naranxu, que frutes nun soi quien dales, llamaime Picu Urriellu, qu'esi ye'l mio nome davezu"

Anónimu Popular

¡Munches gracies, Marina!

Si cutes na semeya, vas ser quien viaxar hasta 

l' Urriellu y velu nesti precisu momentín.

Refuxu-abellugu del Urriellu

Calca na semeya p'acolumbrar l'Enol

Si quies viaxar hasta Bulnes trata de señalar na semeya que vien d'arréu:

Si lo que quies ye viaxar hasta'l Parque Nacional de la Montaña Cuadonga, (güei día conocíu como Parque Nacional de los Picos d'Europa), trataremos d'averanos a Cuaonga. Pa ello, calca na semeya.

Un cantar pa festexar la primavera qu'entamamos:

"Los grillos"

Cri, cri, canten los grillos
al llegar la primavera.
Cri, cri, dicen contentos 
mientres siguen el compás.


 Cri, cri, canten los grillos
al llegar la primavera.
Cri, cri, dicen contentos 
mientres siguen el compás.


Y al llegar la nueche
échense a durmir
y pela mañana
vuelven a dicir:


Cri,cri, canten los grillos 
al llegar la primavera.
Cri,cri, dicen contentos
mientres siguen el compás.

 Cri, cri, canten los grillos
al llegar la primavera.
Cri, cri, dicen contentos 
mientres siguen el compás.

  Y baillen les flores
al son del cri,cri
mentantu los grillos
vuelven dicir:


Cri, cri, canten los grillos
al llegar la primavera.
Cri, cri, dicen contentos 
mientres siguen el compás.

Cri, cri, canten los grillos
al llegar la primavera.
Cri, cri, dicen contentos 
mientres siguen el compás.

Débese a "Xentiquina" y Nacho Fonseca

Pallabreru:

mientres

mentantu

compás

¿Xugamos?

 
N'Asturies tenemos dalgunos animalinos con guapura en forma y mui curiosos.

D'algunos tan en peligru desaniciu. Escaseen y debemos facer por ellos pa que nun desapaezan.

¿Sedrás quien a conocélos? Has d'investigalo y descubrir cúal dellos ta escondíu nesti puzzle.