"El dinosauriu, el príncipe, la nena y la so ma" Primer nivel.

Esti cursu 2016-17 nun se celebraren les "Xornaes de la Llingua y Cultura Asturianes de la Fastera Oeste de Xixón" coles sos actividaes pa escolinos y non escolinos,  nin tampocu'l  concursu lliterariu na nuesa Llingua Asturiana "María Teresa González" como venía faciéndose dende antañu en bien d'ocasiones y con munchu ésitu y sonadía ente escolinos, colexos y la xente estos barrios de Xixón.

Nos, decidimos facer parte les actividaes d'un mou bien modestu tal como si les Xornaes y el Concursu Mª Teresa siguieren y tamién como mediu de reclamar el sitiu, les feches, la presencia y el llugar que bien teníamos ganaos nestos barrios de Xixón dempués tantos años.

Con esto tratamos de facenos bien visibles y que too ello vuelva tornar al so sen. Entiendo que nun tien sintíu facer desapaecer una actividá con tantu ésitu participación de los colexos, escolinos y non escolinos, col apoyu y gabitu de la xente los barrios onde tamos. 

Güei pídovos tol apoyu posible pa encaminar too esto y que pal cursu 2017-18 tengamos unes Xornaes y un Concursu lliterariu "Mª Teresa González" con tol puxu y ganes posible.

Gracies

Robra: Santiago Cubillas Alonso

• El llibrín. El cómic:

CALCA EQUÍ PA DESCARGALU

• La Galería d'Artistes. El Muséu:

https://goo.gl/RhA2wV

Equí DESCARGA LA GALERÍA D'ARTISTES DE PRIMERU "A" Y "B"

https://goo.gl/ccaqr1

• L'aventura:

https://goo.gl/QhiWU1

Calca nel entamu de toa esta aventura equí.

Trabayando Llingua Asturiana col cómic Mafalda en cuartu cursu.

Col motivu de la Selmana de les Lletres Asturianes y yá qu'esti añu nun se ficieron les "Xornaes de la Llingua y Cultura Asturianes de la Fastera Oeste de Xixón" nin tampocu'l "Concursu lliterariu Mª Teresa González", pusimos enfotu  y l'esfuerzu en nesti llabor como si  hubieren estes Xornaes.

Nestos llabores tratamos tamién de recuperar esi espaciu perdíu nel que los nuesos escolinos enseñaben a los demás y compartíen la lliteratura y los trabayos que creaben.

Facémoslo amás visible del únicu mou que nos queda o nos dexen, esti, el dixital. Antañu había sidu l'Atenéu Obreru de la Calzada onde se facíen públiques toes estes actividaes y onde s'aconceyaba too; güei, quédanos namás esti mou.

Nun me queda más que dicir qu'esti maestru tá más qu'interesáu que too esto se recupere pal cursu viniente y que trato d'atopar apoyos y gabitos pa recuperar esta actividá que yera bien arriquecedora pa tola zona Oeste de Xixón pero, sobremanera, pa los  escolinos. Gracies

Santiago Cubillas

Trabayando Llingua Asturiana col cómic en cuartu nivel primaria

Publish at Calameo

Calca na semeya pa echar una güeyada

PA DESCARGALU TIENES QUE CUTIR NESTI ENLLAZ

Virus

Resulta que nestes feches tuvimos de visita un virus bien fastidiosu. Debieron gusta-y les nueses memories USB porque nelles se caltuvo faciéndonos daqué perxuicios.

Lo que-y gusta facer ye... esconder les carpetes de la memoria USB y asina non somos trabayar con elles.

Lo que fae ye crear unos falsos "accesos direutos" que por más que señales nellos non te lleven a ningún llau.

P'acabar con elli y solucionalo, apúrrovos l'enllaz d'un programa que tenés qu'instalalu nel raigañu de la memoria USB y dexar que faiga el so llabor tal como vos enseñé en clas.

Alcordaevos que habrá una carpeta col nome de "cuarentena" nel que tarán los "bichos" a eliminar.

Por ciertu, recordavos quel llápiz USB ye importante non arranque automáticamente (AUTORUN) y asina non se nos cuelen estos virus

Señala na semeya pa descargalu con seguranza.



 

Espero seaes quien igualu y sanalu.

Preparando'l futuru de "a fechu..."

Trátase nesta ocasión d'ofrecer a los parientes una ferramienta que sirve pa dir encaminando'l futuru de los nuesos escolinos.

Toi falando de ser quien escribir col tecláu del ordenador con soltura, entainando y con poques faltes. Ello yera nel pasáu cuando'l que podía pagálo diba clas mecanografía, güei, esto pue facese con estes ferramientes y como un xuegu faciendo posible que les llabores de los nuesos escolinos seyan muncho meyores y non seyan un supliciu porque tengan que dir atopando les tecles nel tecláu como si fueren a la gueta d'una ayalga.

Toi convencíu que esto plantegau como un xuegu medrará y a la fin sedrá un aprendizaxe que servirá abondo añu a añu a los nuesos escolinos.

Ta fechu en castellán, si lo hubiere n'asturianu... pues nesti casu al tar relacionau cola Llingua Asturiana sedría muncho meyor, pero como non ye asina, serviranos pal mesmo propósitu (la meyora y preparación los nuesos escolinos).

Lo que s'ofrez dende equí ye dos maneres facelo: Una que ye vía on-line, eso quier dicir que precisamos conexión d'Internet, y otra que ye un programa descargable y amás portable (lo que quier dicir que l'escolín va llevalu con elli nel llápiz USB y poder usálu en cualesquiera ordenador).

ON LINE:

Trátase de Vedoque, señala na semeya d'enantes pa colar pal enllaz.


Entamaremos pola primera estaya.

Lleemos les instrucciones pa saber colocar les manes, los deos y sobre too, como sentanos al sen.

Dempués, entamamos cola llección primera y calcando en Xuega

Nesta parte tien xuegos pa dir prauticando coles lletres y el tecláu.

Tamién tenemos más xuegos nesta parte:

Poco a pocu y llección a llección diremos avezándonos al tecláu.





PORTABLE, NEL USB (Sin instalalo nel ordenador y sin conectase a Internet):

 Señala na semeya pa descargalu.

Primeru, has de cambiar el nome en opciones y dempués d'investigar un pocu, dir de llección en opción como en númberu de llección o nel tipo básicu, mayúscules etc.

Amás tien requexos como gráfiques, tiempu, etc..

Tresformando formatos d'archivos.

 Ya sabés, pa non tracamundiar too ni facevos un líu tremendu, que tenés que señalar na semeya del vuestru cursu pa non confundir el llabor col d'otru cursu. 

Tamién sabés, que pal final d'esta entrada, apaecen les etiquetes a les que se refier esta entrada. Asina que pa que vos quede bien claru: Esto ye pa los quintu y sestu.

Nesta ocasión trátase de camudar los archivos de formatu. Pa ello vamos sirvinos d'un programa que fae un montonáu trabayu con casi tolos formatos.

Descárgenlu dende equí, los que non fueron quien dende l'aula virtual. Dempués, apurren el trabayu al profe en formatu mp3.

¿Cómo? Pues.... ya creo deberás sabelo: pol Aula Virtual desde casa o dende clas.

Trabayando de seguío.

Güei finaremos lo entamao la selmana pasada na clas.

Trátase de facer el llabor como periodistes que soes.

Cómo habíamos falao en clas la selmana pasada, trátase de facer una crítica constructiva a la crónica que fizo un de los nuesos reporteros.

Pa ser quien a ello, entramos nel Aula Virtual y siguimos les instrucciones:

a.- Descargamos la grabación de la crónica del nuesu reporteru.

b.- Ponésmola por escritu y correximos aquello que veamos que non ta al sen.

c.-. Facemos una crítica constructiva.

Pa facelo como tien que ser vamos valinos del programa OpenOffice Portable que vos apurro equí.

En finando, has d'apurrímelo colos tos datos usando l'aula virtual axuntando l'archivu de testu.

Les grabaciones de los reporteros desta selmana pa descargar son (ápúrrovos tamién equí l'enllaz por si daquién tien problemes nel Aula Virtual):

 

Día d'Ánimes, Difuntos y Tolos Santos por Elisa Cañedo, Celia Corrales y Aitana Augusto 6B

 

 

Día d'Ánimes, Difuntos, Tolos Santos por Lucía Díez 6C

Día d'Ánimes, Difuntos y Tolos Santos por Laura 5A

 La Güestia por Juan García 5B

 Avisu:

Pa los que usen como escusa non tener el programa de grabación.... equí lu tienen.

Primeros pasucos col ordenador.

Esti ye'l llabor que vos encomendé. Vamos faciéndolu poquiñin a poquiñin.

1.- Camudar el nome'l llápiz USB poniéndo'l nuesu nome o daqué otru col que conocelu pa ser quien atopalu meyor nos directorios del ordenador.

2.- Ordenar el llápiz USB con carpetas bien organizaes pa non tener un barullu d'archivos dientro de tres díes y non ser quien revolvenos nello. 

a.- Pa ello creamos una carpeta nueva col nome "Programes Portables" onde asitiaremos los programas portables que van valinos pa trabayar en cualquier ordenador que nos asitiemos.

b.- Creamos otra carpeta col nome la nuesa asignatura "Llingua Asturiana"

3.- Descargamos el programa "USB Disk Eject" dende esti enllaz

Esti programa va servinos pa sacar el llápiz USB con seguranza del ordenador. Non tenemos qu'instalalu en programes portables, pero sí nel raigañu del llápiz.

4.- Descargamos estos programes que van servinos pa desentroxar y estruxar archivos. Desplicaremos en clas como se fae pasín a pasín.

5.- Descargar e instalar estos navegadores portables

Instálalos na carpeta de "Programes Portables" faciendo una carpetuca col nome "Navegadores Portables".

6.- Descargamos el programa OpenOffice Portable col que podremos desencolcar la mayor parte los llabores de clas. (Asitiámoslu na carpeta de Programes Portables).

Resumen tecnolóxicu... ye un decir.

Como resulta que dalgunos entovía anden daqué desorientaos, equí y-os dexo tamién otros enllaces paque seyan quien a descargar los programes que necesiten.

De toes formes non ta demás recorda-yos que deben usar l'Aula Virtual porque ellí tienen la información, los tutoriales y la clas al casu.

Señala na semeya y pon procuru.

En tiempu....

Resulta que la llabor pa dalgunos escolinos ta escaecía, o perdióse por no sé que sitiu.

Pa los que non s'alcuerden voi dexar esta notuca.

 La llabor yera la siguiente:

1.- Trátase de facer un reportaxe, como bonos reporteros o periodistes que soes y d'investigar un pocu.

2.- Facer un esquema cola información sobre´l Día d'Ánimes, Difuntos o Tolos Santos, según el cursu, o sobre personaxes destes feches.

3.- Descargar el programa Audacity Portable dende l'Aula Virtual.

4.- Facer una grabación que non llegue a tres minutos.

5.- Reconvertila a formatu mp3 col programa Format Factory Portable.

6.- Mandar la llabor usando l'Aula Virtual (Edmodo). Alcordase de poner el nome, cursu y títulu del reportaxe.

7.- Ya tenía que tar too fechu y entregáu. Les notes van al casu.

Pa aquellos que tienen daqué dificultá teúnica ya soes quien ver que vamos arreglándolo y voi echándovos un gabitu nel aula. Tamién pues usar l'aula virtual pa ello como dalgunos ficisteis, pa ello ye.

Espero que los que tarden....espabilen.

¡Pa que los recortes!

Pa conocer y xugar col vestíu de la fastera Occidental

Gracies al Muséu etnográficu de Grandas de Salime

Los vistíos de los nuesos güelos

Pa que seyas quien facelos has de descargalos y recortalos.

¡Que vos preste!

Gracies a Neto y a Cajastur

Edificios, cases y construcciones d'Asturies

Manuel de cuartu C, apúrrenos un llibru n'asturianu que fala de les cases, edificios y construcciones n'Asturies. Nelli podemos echar una güeyada a horros. paneres, cabazos y otru tipu de cases de la nuesa tierra.

Como la "Selmana de les Lletres Asturianes" y el "Día de les Lletres" ya tán equí aprovecho davos una sorpresuca:

Con ocasión dello, y pa aquellos  que-yos interese, déxovos equí una maqueta pa recortar y pegar d'una afamada construcción asturiana. Asina que ya tas descargándola o imprimiéndola si la quies.

Trátase de Santa María del Naranco, un edificiu históricu que fue un palaciu de caza de los reyes asturianos. Forma parte del arte "Pre-románicu asturianu" y ye algo mui especial. A ver quien ye armalu e igualu bien.

Déxovos tamién unes cuántes semeyes delli.

Si señales nel so nome... colarás a un enllaz en castellán nel que tendrás muncha información serás quién vela en 3D.

Gracies a Cajastur-Liberbank