"El dinosauriu, el príncipe, la nena y la so ma" Primer nivel.

Esti cursu 2016-17 nun se celebraren les "Xornaes de la Llingua y Cultura Asturianes de la Fastera Oeste de Xixón" coles sos actividaes pa escolinos y non escolinos,  nin tampocu'l  concursu lliterariu na nuesa Llingua Asturiana "María Teresa González" como venía faciéndose dende antañu en bien d'ocasiones y con munchu ésitu y sonadía ente escolinos, colexos y la xente estos barrios de Xixón.

Nos, decidimos facer parte les actividaes d'un mou bien modestu tal como si les Xornaes y el Concursu Mª Teresa siguieren y tamién como mediu de reclamar el sitiu, les feches, la presencia y el llugar que bien teníamos ganaos nestos barrios de Xixón dempués tantos años.

Con esto tratamos de facenos bien visibles y que too ello vuelva tornar al so sen. Entiendo que nun tien sintíu facer desapaecer una actividá con tantu ésitu participación de los colexos, escolinos y non escolinos, col apoyu y gabitu de la xente los barrios onde tamos. 

Güei pídovos tol apoyu posible pa encaminar too esto y que pal cursu 2017-18 tengamos unes Xornaes y un Concursu lliterariu "Mª Teresa González" con tol puxu y ganes posible.

Gracies

Robra: Santiago Cubillas Alonso

• El llibrín. El cómic:

CALCA EQUÍ PA DESCARGALU

• La Galería d'Artistes. El Muséu:

https://goo.gl/RhA2wV

Equí DESCARGA LA GALERÍA D'ARTISTES DE PRIMERU "A" Y "B"

https://goo.gl/ccaqr1

• L'aventura:

https://goo.gl/QhiWU1

Calca nel entamu de toa esta aventura equí.

Trabayando Llingua Asturiana col cómic Mafalda en cuartu cursu.

Col motivu de la Selmana de les Lletres Asturianes y yá qu'esti añu nun se ficieron les "Xornaes de la Llingua y Cultura Asturianes de la Fastera Oeste de Xixón" nin tampocu'l "Concursu lliterariu Mª Teresa González", pusimos enfotu  y l'esfuerzu en nesti llabor como si  hubieren estes Xornaes.

Nestos llabores tratamos tamién de recuperar esi espaciu perdíu nel que los nuesos escolinos enseñaben a los demás y compartíen la lliteratura y los trabayos que creaben.

Facémoslo amás visible del únicu mou que nos queda o nos dexen, esti, el dixital. Antañu había sidu l'Atenéu Obreru de la Calzada onde se facíen públiques toes estes actividaes y onde s'aconceyaba too; güei, quédanos namás esti mou.

Nun me queda más que dicir qu'esti maestru tá más qu'interesáu que too esto se recupere pal cursu viniente y que trato d'atopar apoyos y gabitos pa recuperar esta actividá que yera bien arriquecedora pa tola zona Oeste de Xixón pero, sobremanera, pa los  escolinos. Gracies

Santiago Cubillas

Trabayando Llingua Asturiana col cómic en cuartu nivel primaria

Publish at Calameo

Calca na semeya pa echar una güeyada

PA DESCARGALU TIENES QUE CUTIR NESTI ENLLAZ

Un convite

Cavilando...

L'Asturianu caleya por tola Galaxa...

Como esti añu la Selmana de les Lletres Asturianes tan dedicaes al cómic... non pudi resistime a la tentación, y tamién espabilé faciendo unu 

La Selmana de les Lletres Asturianes en diferentes sitios

• En Samartín del Rei Aurelio

Si quies saber más coses dello, calca percima.

• N'Avilés

• En Grau

XIX Xornaes de Llingua y Cultura Asturiana 2014 en Xixón

Los Colexos de la Fastera Oeste de Xixón xunto coles persones que viven nestos barrios; gracies al enfotu y y trabayu de  persones que de mou desinteresáu  puxan pola nuesa Llingua y al empeñu de persones que faen esto posible dende'l Ateneu Obreru de La Calzada de Xixón como Susana y Nacho, faen posible una actividá que bien querría yo se ficiera en tolos barrios de Xixón o en toa Asturies.

Faése un llibrín al casu colos premios de los escolinos finalistes del premiu "María Teresa González" en caúna de les categoríes y edaes que participen. Faénse talleres bien prestosos nesta selmana na que la nuesa Llingua y Cultura brillen ensin empar.

Fixaivos bien que por haber hai conciertos de música (hasta de grupos de rock de neños como vosotros), esposiciones, teatru n'asturianu, cuentacuentos n'asturianu, cine... n'asturianu y ... un montonáu de coses más y toes elles ...de baberu, gratis, pol papu. ¡Ya tas colando pallá!

Si quies saber más de too ello, calca nos enllaces

• Xornaes Llingua y Cultura Asturiana Xixón 2014

• XIX Xornaes de Llingua y Cultura Asturiana 2014 b

VIDEOPROYECCIONES CINE N´ASTURIANU

• El rostru impenetrable.

El rostru impenetrable ye un western de 1961 fechu n'Estaos Xuníos d'América, dirixíu y protagonizáu por Marlon  Brando, al que tamién acompangaba'l conocíu actor Karl Malden. En 1961 tuvo nomáu al Oscar na categoría de Meyor Fotografía (color) y llogró la Concha d'Oru a la meyor película nel Festival de Cine de Donostia. Dobláu al asturianu por Gonzali Producciones. Duración: 141 minutos.

Salón de actos del CMI Atenéu La Calzada. Miércoles 7 de mayo, a las 19.00 horas.


TEATRU  xuvenil y d'adultos

• LLÁZARO DE TORMES. Carlos Alba, “Cellero”.

            Llázaro de Tormes cuenta les sos “picardíes” col envís de xustificar la so vida faciendo de paso un retratu coñón de la sociedá de la so época, calteniendo el fondu popular y folclóricu de la novela picaresca orixinal y una llingüa guapa y prestosa. Duración: 80 minutos.



Xueves 8 de mayo, a las 19.30 horas. Salón de actos del CMI Atenéu La Calzada.

Nel centro de Xixón la Fundación Municipal de Cultura fae:

• Clase abierta de baile tradicional asturianu

XXXV Selmana de les Lletres Asturianes -2014-.

La XXXV Selmana de les Lletres Asturianes va tar dedicada al cómic coincidiendo col 125 aniversariu de la primer narración fecha n’asturianu con dibuxu artísticu. Va celebrase del 2 al 11 de mayu col títulu ‘Dibuxando un camín’.

Nel añu 1889 na revista ‘La Comedia Gijonesa’ espublizóse un cuentu popular firmáu por Pepe Priendes baxo’l nome ‘Un cuento viejo’.

Esta historia, contada en cuatro viñetes, llevaba un testu n’asturianu nel pie de caún d’elles, polo que se considera’l primer cómic fechu na nuesa llingua.

Esti añu 2014, 125 años depués, la Selmana de les Lletres Asturianes va centrase nesti xéneru lliterariu.

La Conseyería d'Educación edita con la ocasión desta Selmana de les Lletres Asturianes un llibru con cuatro histories gráfiques feches de manera especial al casu. 

La obra, de nome ‘Dibuxando un camín’,  va regalase’l Día de les Lletres Asturianes (9 de mayu), xornada na que tamién se celebra’l Día del Llibru y el Discu n’Asturianu, con cada compra que se faiga d’artículos en llingua asturiana.

Toos van tener, amás, un 10 por cientu de descuentu. Ello únicamente va facese nes llibreríes que colaboren cola Llingua Asturiana nesta Selmana de les Lletres Asturianes. 

Si t'interesa tiénesles puestes nes Semeyes que vienen de seguío:

¡Entamamos colos comics!

Nesta clas anduvieren bien llistos y ya... ¡entamaron facer cómics n'asturianu!.

Dequí dalgunu va facese famosu...

Nesta ocasión el primeru ye Pablo y publicamos la primer tira de cómic.

¡Que vos preste!

Niort

Olaya, de quintu A, apúrrenos esta llabor sobre una de les ciudaes hermanaes con Xixón.

Nel día la ma.

Llárimas d'una ma



Lo mesmo que l'orbayu
son las l.larimas d'una ma;
que chora sin facer dañu a naide.


El fríu ya la moyadura
siéntelu el.la por dientru.

Nené Losada

N'alcordanza de la mio ma y na de caún de toos, ellí onde tea, nel recuerdu del so fíu.

                                                                                          Santiago Cubillas

Nené Losada, nel recuerdu.

"Áquel árbol"  por Celia de quintu B.

Esti ye'l nuesu homenaxe.

Escolinos del C.P. Laviada y el Demoniu Manegueru

Apaeció'l Sumiciu.

Ana Tascón traénos de visita el so trasno que tien por casa. 

Ella camenta que ye'l Sumiciu porque... escondio-y el so perru de peluche.

Esta ye una visita bien prestosa nel día de les Lletres Asturianes.

Escarbando nel pasaú con segundu C.

Segundu C

David Coto

Abril Martínez

Ana Tascón

David Salvador

Lucía Teixeira

Luis Miguel

Mario

Paula Nuñez

Victoria

Detectives en segundu B.

Segundu B

Laura Estevez

Marta 2B

Sara 2B

Primeru B y C cúntannos les sos averiguaciones.

Primeru B

Inés

 Primeru C

Sara

La Selmana de les Lletres Asturianes con primeru.

Alcordaevos de caciplar nel mandu del volumen pa sentilo too lo altu que tien que ser.

A ver que vos paez y tamién podrés facer comentarios. ¡Que vos preste!

Primeru A

Gaelle

Sergio López

Lucía Sánchez

Eva González

Alba Carballido

Samuel

Día de les Lletres Asturianes

Mañana, vienres 3 de mayu ye'l día de les Lletres Asturianes. Con esti motivu faénse actividaes al casu que munches delles tenéisles publicaes notra entrada nesti blog.

Amás destes actividaes, hai otres que faen los colexos, biblioteques, conceyos y ayuntamientos d'Asturies. 

Gustaríame recordavos que mañana vienres si se merca un llibru n'asturianu, les llibreríes regalen otru llibru de baberu de Nené Losada, l'autora a la que se dedicamos esti añu esti día de les lletres asturianes.

Na Selmana de les Lletres Asturianes

Entama la "Selmana de les Lletres Asturianes"

El Demoniu Manegueru ta percontentu porque....    ¡entama la Selmana de les Lletres Asturianes!.

Ye un motivu perbono pa valorar y lluchar pela nuesa llingua y cultura.

Entamen un montonáu d'actividaes al rodiu destes feches. Queda informanos y ponenos al tantu dello,

 El programa d'actividaes que'l Gobiernu d'Asturies preparó pa esta Selmana inclúi la celebración de dellos actos de calter institucional, la organización de conciertos, recitales, actividaes escolares, o la publicación d'una importante obra preparada espresamente pa la ocasión: 

El ríu y la memoria, antoloxía poética de l'autora valdesana Nené Losada Rico (1921-2009), escoyía y comentada pola profesora de la Universidá d'Uviéu Taresa Lorences.

Esta publicación va regalase'l vienres 3 de mayu (Día del Llibru Asturianu) cola compra d'otru llibru escritu n'asturianu.

Nesta 34 Selmana de les Lletres Asturianes resulta destacable la participación de la comunidá educativa y, sobremanera, la collaboración del alumnáu y docentes del Colexu Públicu San Miguel (Trevías, Valdés), centru que va acoyer l'actu escolar de celebración d'esta Selmana.

Amás, el Teatru de la Llaboral va acoyer, el miércoles 8 de mayu, la gala d'entrega de premios del I Certame de Teatru Escolar en Llingua Asturiana/Gallego-asturianu, nel que participarán 38 centros educativos.




Dientro del programa d'actos inclúyense otros munchos eventos, ente los que pueden reseñase:

•     L'actu poéticu-musical El nome de las cousas. La voz de Nené Losada. Cola participación de los escritores Antón García, Taresa Lorences y Esther García; y l'actuación del cantautor Rafa Lorenzo. Grau, 29 d’abril, a les 19.30 hores.

•     L'espectáculu Biltar, que se va celebrar nel Centru Niemeyer (Avilés) el martes día 30 d'abril a les 20.30 hores. Cola participación d'Alfredo González, Pandereteres de Fitoria, Anabel Santiago, Mapi Quintana, Héctor Braga, Sofía Castañón, Pablo Antón Marín Estrada, Aurora García Rivas, Xosé Anxelu Gutiérrez Morán, Pablo Texón y Xera.

•     La Feria del Llibru y Discu n’asturianu, entamada en collaboración col Ayunamientu d'Avilés y l'Asociación de Llibreríes del Principáu d'Asturies, que va acoyer ente los díes 2 y 5 de mayu presentaciones de llibros, actuaciones musicales, sesiones de cuentacuentos, alcuentros lliterarios… La Feria va tar instalada nel edificiu de l'Antigua Pescadería Municipal d'Avilés.

•     La presentación de los llibros ganadores de los premios lliterarios 2012, nuna mesa redonda que va tener como escenariu'l Salón d'Actos del Campus d'Humanidaes, n'Uviéu. Xueves, 2 de mayu, a les 19.30 hores.

•     El conciertu del grupu Taranus, ganador el pasáu mes de marzu de la sétima edición del Premiu al Meyor Cantar y que va ser el representante d'Asturies nel Festival Liet International 2013 de les llingües minoritaries europees, certame que cunta col sofitu del Conseyu d'Europa y que se va celebrar na isla de Córcega.

Coles mesmes, ye de resaltar que la Xunta Xeneral del Principáu d'Asturies va sumase tamién un añu más a la Selmana de les Lletres Asturianes con un actu institucional y cola organización de visites guiaes en llingua asturiana pa escolares el martes 30 d’abril dende les 11.00 hores.

Nené Losada Rico protagoniza la Selmana de les Lletres Asturianes 2013.