27/5/14
El reló l'ayuntamientu
EL RELÓ L'AYUNTAMIENTU
Tac,tic,tac,tic,tac,tic,tac,
el reló l’ayuntamientu,
tac,tic,tac,tic,tac,tic,tac,
cuerre que te correrás.
A les cinco ta nes diez,
a les siete ta nes tres,
tac,tic,tac,tic,tac,tic,tac,
cuantayá que nun val pa ná.
Tac,tic,tac,tic,tac,tic,tac,
el reló l’ayuntamientu,
tac,tic,tac,tic,tac,tic,tac,
cuerre que te correrás.
A les cinco ta nes diez,
a les siete ta nes tres,
tac,tic,tac,tic,tac,tic,tac,
cuantayá que nun val pa ná.
26/5/14
25/5/14
Noticies prestoses
Resulta que tengo davos una noticia bien prestosa:
La vuestra anterior profe de Llingua Asturiana, Clara, mándame que vos mande un saludu bien grande pa toos vosotros y que s'alcuerda muncho de vosotros.
Asina que ya veis que tenés una maestra que ye "fan" vuestru.
Por ciertu, gustó-y esti Blog pero sobremanera, les coses que facéis y aportaes vosotros a elli.
Munches gracies Clara y tamién munches gracies a toos vosotros.
..... Dizme'l Demoniu Manegueru que tamién y presta que Clara diga estes coses pero.... pa mín, que debe tar un pocu bastante celosu de Clara, por cómo lo dixo.
Voi tener qu'afalagalu dalgo no sea que s'atristaye y dempués faiga de les suyes pel blog.
24/5/14
Mª Xosefa Xovellanos. "Una muyer de lletres"
Mª Xosefa Xovellanos. "Una muyer de lletres" on PhotoPeach
(A estes altures aún dalgunos non finaron el llabor)
"La Llegada"
"La llegada" on PhotoPeach
Esta fué una de les actidaes feches nesti cursu na clas de Llingua Asturiana. Trabayóse con ella na esposición, col portafueyos al casu y dende l'aula.
Ah.... y tamién en formatu dixital aún a pesar desa "mayoría" que ta escontra'l trabayu con esti tipu de metodoloxíes.... A lo meyor a estes altures de cursu si entrugaren y falaren colos escolinos veríen si aprendieren dalgo de la nuesa Llingua y si ye prudente, afayaízu, productivu.... y a ver si ye conveniente dexar trabayar a los profesionales de la educación de la forma más meyor y "más productiva y eficiente".
23/5/14
Iguando testu con semeyes.
Pa trabayar col testu del cómic y ser quien igualo, vamos valinos desti programa portable: PicPick Portable.
19/5/14
Gimp Portable
Equí vos apurro una versión de Gimp portable pa ser quien trabayar nel formatu dixital na clas viniente.
12/5/14
11/5/14
Un cuentu.... o dos.
Equí tenés un cuentu bien guapu fechu por escolinos como vosotros
Tamién vos dexo otru bien guapu.
¿Oses tratar de finalu?
Nestos díes tamos trabayando sobre'l pallabreru.
Pa da-y una vueltuca a ello preparevos esti retu pa los escolinos de segundu.
Entrénate col Pallabreru
Pa que tengas la oportunidá d'entrenate.
Pallabreru Primeru B on PhotoPeach
10/5/14
Repasando'l pallabreru
Ummm... creo que debíamos repasar el pallabreru pa conocer lo muncho que sábeis. Alcordaévos de los apóstrofos.
Anque ye pa los de primeru, toi seguru que non tá de más p'algunos que creen conocer toles palabres. Asina que... echa-y una güeyada.
Pallabreru Primeru A on PhotoPeach
.jpg)
7/5/14
L'Asturianu caleya por tola Galaxa...
Como esti añu la Selmana de les Lletres Asturianes tan dedicaes al cómic... non pudi resistime a la tentación, y tamién espabilé faciendo unu
XIX Xornaes de Llingua y Cultura Asturiana 2014 en Xixón
Los Colexos de la Fastera Oeste de Xixón xunto coles persones que viven nestos barrios; gracies al enfotu y y trabayu de persones que de mou desinteresáu puxan pola nuesa Llingua y al empeñu de persones que faen esto posible dende'l Ateneu Obreru de La Calzada de Xixón como Susana y Nacho, faen posible una actividá que bien querría yo se ficiera en tolos barrios de Xixón o en toa Asturies.
Faése un llibrín al casu colos premios de los escolinos finalistes del premiu "María Teresa González" en caúna de les categoríes y edaes que participen. Faénse talleres bien prestosos nesta selmana na que la nuesa Llingua y Cultura brillen ensin empar.
Fixaivos bien que por haber hai conciertos de música (hasta de grupos de rock de neños como vosotros), esposiciones, teatru n'asturianu, cuentacuentos n'asturianu, cine... n'asturianu y ... un montonáu de coses más y toes elles ...de baberu, gratis, pol papu. ¡Ya tas colando pallá!
Si quies saber más de too ello, calca nos enllaces
VIDEOPROYECCIONES CINE N´ASTURIANU
- El rostru impenetrable.
El rostru impenetrable ye un western de 1961 fechu n'Estaos Xuníos d'América, dirixíu y protagonizáu por Marlon Brando, al que tamién acompangaba'l conocíu actor Karl Malden. En 1961 tuvo nomáu al Oscar na categoría de Meyor Fotografía (color) y llogró la Concha d'Oru a la meyor película nel Festival de Cine de Donostia. Dobláu al asturianu por Gonzali Producciones. Duración: 141 minutos.
Salón de actos del CMI Atenéu La Calzada. Miércoles 7 de mayo, a las 19.00 horas.
TEATRU xuvenil y d'adultos
- LLÁZARO DE TORMES. Carlos Alba, “Cellero”.
Llázaro de Tormes cuenta les sos “picardíes” col envís de xustificar la so vida faciendo de paso un retratu coñón de la sociedá de la so época, calteniendo el fondu popular y folclóricu de la novela picaresca orixinal y una llingüa guapa y prestosa. Duración: 80 minutos.
Xueves 8 de mayo, a las 19.30 horas. Salón de actos del CMI Atenéu La Calzada.
Nel centro de Xixón la Fundación Municipal de Cultura fae:
XXXV Selmana de les Lletres Asturianes -2014-.
.jpg)
La XXXV Selmana de les Lletres Asturianes va tar dedicada al cómic coincidiendo col 125 aniversariu de la primer narración fecha n’asturianu con dibuxu artísticu. Va celebrase del 2 al 11 de mayu col títulu ‘Dibuxando un camín’.
Nel añu 1889 na revista ‘La Comedia Gijonesa’ espublizóse un cuentu popular firmáu por Pepe Priendes baxo’l nome ‘Un cuento viejo’.
Esta historia, contada en cuatro viñetes, llevaba un testu n’asturianu nel pie de caún d’elles, polo que se considera’l primer cómic fechu na nuesa llingua.
Esti añu 2014, 125 años depués, la Selmana de les Lletres Asturianes va centrase nesti xéneru lliterariu.
La Conseyería d'Educación edita con la ocasión desta Selmana de les Lletres Asturianes un llibru con cuatro histories gráfiques feches de manera especial al casu.
La obra, de nome ‘Dibuxando un camín’, va regalase’l Día de les Lletres Asturianes (9 de mayu), xornada na que tamién se celebra’l Día del Llibru y el Discu n’Asturianu, con cada compra que se faiga d’artículos en llingua asturiana.
Toos van tener, amás, un 10 por cientu de descuentu. Ello únicamente va facese nes llibreríes que colaboren cola Llingua Asturiana nesta Selmana de les Lletres Asturianes.
Si t'interesa tiénesles puestes nes Semeyes que vienen de seguío:
6/5/14
Otra vez vuelta esgonciar les coses del Aula de Llingua Asturiana.
Güei pela mañana atopamonos coles coses revueltes nel aula de Llingua Asturiana. Ello resulta de les actividaes que se ficieros esti llunes 5 de mayu nesta clas.
Resúltame bien estrañu l'interés que tienen nestes actividaes estraescolares pola Llingua Asturiana. Non sabía qu'había actividaes estraescolares dedicaes a ello o.... sedrá que daquién non tien control sobre lo que los neños faen cuando tan solos nel aula y enreden nes coses qu'atopen a mano.
Non sabía que teníen esi gran interés pol Amagüestu nestes feches ni por los murales guardaos nel so sitiu de va tiempos.
Señores, ya ta bien, espero pongan más procuru. Tamos falando d'un aula pa usala tol colexu y na que hai un montonáu de material que tien que mirase por ello. Tamos falando de material de clas, llibretes, llibros, trabayos, material del maestru....
Que menos que mirar por un material que non ye'l tuyu y que s'asitia nunas instalaciones dedicaes en primer llugar a dar clas a la mañana viniente.
El día viniente... ¿qué sorpresa toca? ¿sedremos quien dar clas o non? ¿tará algo esgonciau? ¿sedrá necesariu pal normal funcionamientu la clas? ¿o sedrá el material destrozáu de trabayos de neños que pusieren tol empeñu nuna xera? -Esto últimu asocedió non va tantu y ... quién ye'l responsable que-y lo esplica a caún de los neños que fizo con tol empeñu ya ilusión esi trabayu pa mostralu a los demás neños ¿quién yos lo diz?-
Ya ta bien de que a cada poco asocedan coses destes nun aula coles actividaes estraescolares. Nes aules ordinaries, nel horariu lectivu, ye escepcional qu'ocurran coses asemeyaes.
Y sí, esti maestru siéntese molestu pola falta respetu y responsabilidá ante estes coses que vienen pasando a cada poco. Tuvi que pesllar la mesa'l maestru, cambiar de sitiu exemplares de llibros que'l Sumiciu desapaecía, meter les llibretes de los neños en caxes porque apaecíen vete saber onde o que desapaecíen cola llabor fecha por esi neñu hasta esi día. Creo que tengo abondes razones pa protestar y pa facelo públicu equí ya que paez que ye lo único a lo que s'atiende ye cuando apaez equí; da lo mesmo que se faiga saber por otros medios a los responsables de les actividaes estraescolares.
Gracies, sobre too por curiar lo que ye de toos.
Robra: Santiago Cubillas
Suscribirse a:
Entradas (Atom)