Felpeyu - Tierra

"Tierra"

Na flor de la cerezal
Que priende la primavera
Nel cantar de los carbayos
Y nel vientu que lu lleva

Nel llagu de los tos güeyos
Onde fai remolín el tiempu
Nos pegollos que sostienen
Colleches d'amor y empeñu

Nellos poso'l corazón
Nellos pongo la esperanza
La grana azul del futuru
Y la flor de l'acordanza

Nel agua de los regueros
Del borrín y de la prúa
Na esencia del alicorniu
Nel creciente de la lluna

Nes tierres de pan. Nes sebes
De malvises y raitanes
Na voz escura del monte
Na voz antigua del sangre

Nellos poso'l corazón
Nellos pongo la esperanza
La grana azul del futuru
Y la flor de l'acordanza

Nos altos picos que vuelen
Los airones y les aigles
Nel secretu que la mar
Guarda en roncheles y playes

Nel ciernu de la memoria
Nes ferramientes gastaes
Nes palabres que ñacieron
Cabo'l fueu de vieyos llares

Nellos poso'l corazón
Nellos pongo la esperanza
La grana azul del futuru
Y la flor de l'alcordanza.

"Felpeyu"

Na esperanza, nos recuerdos, nes imaxenes de los qu'estimamos y ya nun taes. ¡Va por caúna de les persones qu'echamos en falta!