¿El futuru o ... el presente de la Llingua na escuela?

Gustáriame compartir coles families una visión de la Educación -de tola educación y les tecnoloxíes nes nueses escueles- Refiérome a la visión de too ello aplicáu a toles asignatures en favor de meyorar la educación y les posibilidaes de los nuesos escolinos, anque... nesti casu ... pregúntome:

-¿Qué ye que na Llingua Asturiana tenemos que quedanos atrás y non facer estes coses o... por estes coses?

Yo sólo llevo'l mensaxe. Que caún o caúna cavile por ello. 

Desto de cavilar sobre ello y de quedanos atrás o non ye lo que trato nesta entrada del blog.

Llingua Asturiana 2.0 from xuliob

Autor de la presentación: Xulio Berros


Dalgunos exemplos de cómo trabaya Xulio Berros
(señalar sol nome sorrayau pa colar pal enllaz)

lloreu56

O cómo trabayen otros maestros:

una clase con mucha clase

6ºA

2ºB

1º

musica

Y... cómo trabayen la Llingua n'otru colexu

poniendoescuela

exemplu

exemplu pa les families

A poco que demos una vueltuca por internet atoparemos exemplos de too ello. 

Sólo queda decidise si montar nesti tren o quedáse atrás...
y... ¿cuál ye'l so parecer? 

Robra:

Santiago Cubillas Alonso

Presentando xeres.

El tiempu de trabayu cola llínea de tiempu fina la clas viniente pa los de quintu y pa dientro dos clases -selmana que vien- nel casu de sestu.

Pa esi día, al final esa clas, tenés qu'apurrir ya la llínea tiempu en papel o por Dipity. Faránse les correciones al casu y completaremos de "a fechu" esta xera. El trabayu apurrirase na forma que quieras y seya más afayaíza pa vosotros.

Nel casu de facelo en papel, alcordaivos que vos mandé pol Aula Virtual una semeya pa non tener que facer cálculos cola regla y que vos seya más afayaízo.

Pa los que nun ficieron el trabayu de dir a la gueta información.... déxovos nel Aula Virtual les semeyes cola información básica la esposición. Pero... non vos acostumbrés a ello.

Xera:

1.- Descargar les semeyes y descomprimiles. Usar 7-zip, peazip, winrar o winzip

2.- Imprimir les semeyes con Pdf Creator pa crear un archivu pdf con tola información.

3.- Investigar y sacar la información que necesites.

Trátase de qu'uses les nueves tecnoloxíes y la informática aprendiendo usos nuevos y de pasu trabayemos l'asignatura de Llingua Asturiana.

Espero qu'estes ferramientas tamién vos seyan d'utilidá n'otres ocasiones nes demás asignatures.

Plazu 5A: vienres 31 xineru.

Plazu 5BC: xueves 30 xineru

Plazu 6AB vienres 7 febreru

Plazu 6C miércoles 5 febreru

Yera la princesa...

Yera la princesa d'un país

Yera la princesa d'un país
que nun cuentu esistió
y una mañana d'abril
namoróse d'un pastor.

Yeren mui felices cuando'l rei,
namás que s'enteró,
mandó encerrar al mozu
nun escuru cuartón.

Y cuenta la xente que d'amor
la princesa amaló,
sentadina nel xardín
amustiábase la flor.

Pero tolos cuentos finen bien,
y el d´esti nun ye esceición:
el  rei morrió na guerra
y l'asuntu cambió.

Yá nun llinda cabres el mocín,
cambió de profesión,
güei pasea pel xardín
nun caballu de cartón.

Yera la princesa d’un país,
y un caballu cartón,
y un pastor que ye príncipe
y el cuentu s’acabó.

"Xentiquina" y Nacho Fonseca

Esta ye la versión de "Skanda". A ver que vos paez.

Llínea del tiempu

Como ya entamamos y vimos la selmana pasada, vamos facer una llínea temporal cola vida de Mª Xosefa Xovellanos.

El primer pasu ye rexistraxe nesta ferramienta "on line" colo que ye necesariu una cuenta de corréu lletrónicu.

El segundu pasu ye crear la llínea de tiempu col nome de Mª Xosefa Xovellanos y dir apurriendo los datos nel tiempu que voz paeza.

Estos datos tan na entrada anterior desti blog dedicada a Mª Xosefa Xovellanos, na esposición que tenemos na entrada del colexu y nel folletu que vos apurri en clas.

Vamos dir faciéndolo poco a pocu en clas como bien taes viéndolo; eso non quita que quieras o seyas quien adelantar tarea y dir faciéndo parte dello en casa.

Pa los escolinos que non tengan autorización pa usar el nome y clave d'una cuenta corréu lletrónicu pa rexistrase en Dipity o prefieran facelo por mediu tradicional (en papel o na llibreta), tamién pueden facelo nesti tiempu y ponese a ello.

Déxovos equí un modelu por  si vos val d'exemplu. ¡Ejem...! Non cuntareis que seya de María Xosefa, pero si ye del so hermanu Gaspar Melchor.

Gaspar Melchor de Xovellanos on Dipity.

Llueve

 LLUEVE

Llueve
y el patiu de la escuela
ya ta fechu un fontán,
Llueve
y tien pinta
de tardar n'abocanar.

¡Col partidazu
que díbamos echar
en saliendo de la escuela!
Güei a les ñubes
dio-yos por llorar
y nun mos dexen xugar.

Llueve
y el patiu de la escuela
ya ta fechu un fontán,
Llueve
y tien pinta
de tardar n'abocanar.

"El cascoxu"

"El cascoxu"

Despacín, al pasín
va’l cascoxu pel xardín.
Colos cuernos al sol,
va faciendo’l so camín.

Enxamás lu verás
col llimiagu discutir
a quién-y presten más
les llechugues del vecín.

Despacín, al pasín
va’l cascoxu pel xardín.
Colos cuernos al sol,
va faciendo’l so camín.

Enxamás lu verás
col llimiagu discutir
a quién-y presten más
les llechugues del vecín.



La casina mangada nel  llombu,
fai les coses siempre seliquín.
Enxamás lu verás atechase:
présta-y muncho sentir l’ orpín.


Despacín, al pasín
va’l cascoxu pel xardín.
Colos cuernos al sol,
va faciendo’l so camín.

Enxamás lu verás
col llimiagu discutir
a quién-y presten más
les llechugues del vecín.

Caleyando

Deseóvos unes mui felices fiestes navidiegues y que'l añu viniente vos seya prósperu gayoleru y productivu.

Robra: 

Santiago

¡Eso! 

           ¡y tamién que seaes bien felices!

Robra: 

El Demoniu Manegueru

Nun requexu ente payes

                Nun requexu ente payes
            ta’l rei del cielu,
            la lluna y les estrelles
            nagüen por velu.

            Una pastora fízo-y
            unos calcetos
            San Xosé quierlos blancos
            la Virxen prietos.



            Y ond’l portal
            ñevando ta,
            canciái rapazos
            que ye Navidá. 

            Un neñu llevó-y ñueces
            miel y mantega
            y cáncia-y seliquino
            pa que se duerma.

            La lluna y les estrelles
            nagüen por velu
            al neñu qu’ente payes
            ta nun requexu.



            Y ond’l portal
            ñevando ta,
            canciái rapazos
            que ye Navidá.

Din - Dan

Otru villancicu bien prestosu

Les mas de caún o caúna.

Nestes feches quiero facer un homenaxe a la mio ma y por ello tamién a toles mas del mundu. 

Voi valime de les palabres d'Aurelio González Ovies nel llibru "Mio ma", espero me consienta esti robu.

"Mio madre nun sabía idiomes
pero yera tan mimosa…;
dicíame que con enfotu
pues algamar cualquier cosa."

Un villancicu

Como ye'l tiempu d'ello equí vos dexo un villancicu bien prestosu.

El Demoniu Manegueru

Por ciertu, esta  llambionada ye típica destes feches ¿sabes lo que ye?, sabes la so receta?

“Baxen los pastores”.

Ta ñevando nel monte,
nueche de Navidá
y yá baxen los pastores
que van camín del portal.

Cuntamos, pastorina,
que lleves nel morral.

-Unos cuantos carambelos
que, de xuru-y van prestar.

Xosé ta mui contentu,
María muncho más,
y embobaos miren pal neñu
que ye un cachín de coral.

Tocái les panderetes,
nun dexéis de canciar
y poneivos percontentos
porque llegó Navidá.

Xosefa Xovellanos I

Entamamos esta xera: Xosefa Xovellanos, "Una muyer de lletres". Nella estudiaremos esta gran muyer destes dómines, el tiempu que-y tocó vivir, la so obra y el papel de la muyer nestes feches.

Pon procuru a ver si yes quien acolumbrar los detallucos que aquí se cuenten.

Si señales na semeya colarás pa un enllaz bien prestosu.

Una hestoria

Una hestoria bien prestosa

Los tres Reis por Nuberu

Esti ye un cancíu del grupu asturianu Nuberu. Espero vos preste tantu como a mí.

LOS TRES REIS MAGOS

Vienen tres Reis (Reyes) Magos
per xuntu al ríu.
Vienen dende perlloñe (mui lexos), 
muertos de fríu.

Van caminando per un camín
Van entrugando por un rapacin.

Unu yera pervieyu (mui vieyu),
otru, medianu.
Otru yera un buen mozu,
yera asturianu.

Van caminando per un camín
Van entrugando por un rapacin.

El más vieyu de toos,
dixo tremando (temblando).
Si nun llegamos ceu (pronto)
vamos xelanos.

Van caminando per un camín
Van entrugando por un rapacin.

Entós el más mozu
dixo perseriu (mui seriu).
Aguanto bien el fríu
por ver al neñu.

Van caminando per un camín
Van entrugando por un rapacin.

Los tres Reis

Los tres Reis

Enriba tres camellos,
y fartucos de ñeve,
baxen de les montañes
tres Reis del Oriente.

El vieyu ye Melchor,
el prietu Baltasar,
y el del camellu coxu,
que va en mediu, ye Gaspar.

De nueche , los tres Magos,
mientres los neños duermen,
entren peles ventanes
a trae-yos los xuguetes.

El vieyu ye Melchor,
el prietu Baltasar,
y el del camellu coxu,
que va en medio,ye Gaspar.

Nun dexes ná nel platu
nin saltes más a peres,
qu'ellos, per un furacu,
ven lo que fai la xente.


El vieyu ye Melchor,
el prietu Baltasar,
y el del camellu coxu,
que va en medio, ye Gaspar.

Les coses del comedor

Vamos xugar colos nomes de coses del comedor. A ver que vos paez.