Nesta ocasión tratase del cuerpu d'un rapaz. Espero seaes quien facer esti xuegu.
Ánimu y muncha suerte.
Ánimu y muncha suerte.
Gracies a la Oficina de Política Llingüística del Conceyu de Xixón
Tomáu de la campaña "N'asturianu queda guapo"
23/11/16
El cuerpu humanu 2ª estaya.
Nesta ocasión trátase del cuerpu de la moza, asina que vamos facer esti puzle a ver si lo sabemos too.
¡Ah...! y los más grandes, ya que son tan llistos, ¡a ver si son quien a ello!
Gracies a la Oficina de Política Llingüística del Conceyu de Xixón
Tomáu de la campaña "N'asturianu queda guapo"
El cuerpu humanu 1ª estaya
Non sé yo.... pero paezme debiéramos dar un repasatu a les partes del cuerpu... non sea que perdiéramos la memoria escaeciéndonos de parte d'elles.
Has de facer esti puzle. Esti primeru ye'l del mozu pero.. queden más.
Gracies a la Oficina de Política Llingüística del Conceyu de Xixón
Tomáu de la campaña "N'asturianu queda guapo"
10/11/16
A la gueta, ¡cuidáu col airón les castañes!
Dir a la gueta les castañes ye propiu desta época.
Si l'amagüestu ye algo que te presta... enantes toca dir "a la gueta". Asina que non tengas galbana y entérate bien.
Señala en daqué oriciu desta castañal y sedrás quien a dir a la gueta les castañes.
"El cascoxu"
"El cascoxu"
Despacín, al pasín
va’l cascoxu pel xardín.
Colos cuernos al sol,
va faciendo’l so camín.
Enxamás lu verás
col llimiagu discutir
a quién-y presten más
les llechugues del vecín.
Despacín, al pasín
va’l cascoxu pel xardín.
Colos cuernos al sol,
va faciendo’l so camín.
Enxamás lu verás
col llimiagu discutir
a quién-y presten más
les llechugues del vecín.
La casina mangada nel llombu,
fai les coses siempre seliquín.
Enxamás lu verás atechase:
présta-y muncho sentir l’ orpín.
Despacín, al pasín
va’l cascoxu pel xardín.
Colos cuernos al sol,
va faciendo’l so camín.
Enxamás lu verás
col llimiagu discutir
a quién-y presten más
les llechugues del vecín.
"Xentiquina" & Nacho Fonseca
Una de mieu
UNA DE MIEU
Esnala que t'esnala
va un esperteyu,
salió de la ventana
d’aquel castiellu.
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Rellámpagos a esgaya
vense nel cielu,
qu'allumen venti bruxes
en plenu vuelu.
Yo que yera'l más gallu
de la quintana
toi yá que nun m'aguanto
de la medrana.
Yá toi sintiendo pasos
pel pasillu,
y púnxoseme'l pelo
como un cepiyu.
Oigo una voz dicime
que pa la escuela,
arremello los güeyos...
¡Yera mio güela!
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Yo que yera'l más gallu
de la quintana
toi yá que nun m'aguanto
de la medrana.
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Yá toi sintiendo pasos
pel pasillu,
y púnxoseme'l pelo
como un cepiyu.
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Oigo una voz dicime
que pa la escuela,
arremello los güeyos...
¡Yera mio güela!
¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
"Xentiquina" & Nacho Fonseca
Pallabres polisémiques. Puertos d'Asturies. Ríes d'Asturies.
 |
| Puertu de Xixón |
Tamos tratando en clas los sinónimos y tamién los puertos de mar y de montaña n'Asturies.
 |
| Puertu de Payares 1920. Carretera de Busdongo |
¿Sedrás quien acolumbrar estos puertos asturianos?
?
Ver Puertos d'Asturies en un mapa más grande
21/10/16
Preparando'l futuru de "a fechu..."
Trátase nesta ocasión d'ofrecer a los parientes una ferramienta que sirve pa dir encaminando'l futuru de los nuesos escolinos.
Toi falando de ser quien escribir col tecláu del ordenador con soltura, entainando y con poques faltes. Ello yera nel pasáu cuando'l que podía pagálo diba clas mecanografía, güei, esto pue facese con estes ferramientes y como un xuegu faciendo posible que les llabores de los nuesos escolinos seyan muncho meyores y non seyan un supliciu porque tengan que dir atopando les tecles nel tecláu como si fueren a la gueta d'una ayalga.
Toi convencíu que esto plantegau como un xuegu medrará y a la fin sedrá un aprendizaxe que servirá abondo añu a añu a los nuesos escolinos.
Ta fechu en castellán, si lo hubiere n'asturianu... pues nesti casu al tar relacionau cola Llingua Asturiana sedría muncho meyor, pero como non ye asina, serviranos pal mesmo propósitu (la meyora y preparación los nuesos escolinos).
Lo que s'ofrez dende equí ye dos maneres facelo: Una que ye vía on-line, eso quier dicir que precisamos conexión d'Internet, y otra que ye un programa descargable y amás portable (lo que quier dicir que l'escolín va llevalu con elli nel llápiz USB y poder usálu en cualesquiera ordenador).
ON LINE:
Entamaremos pola primera estaya.
Lleemos les instrucciones pa saber colocar les manes, los deos y sobre too, como sentanos al sen.
Dempués, entamamos cola llección primera y calcando en Xuega
Nesta parte tien xuegos pa dir prauticando coles lletres y el tecláu.
Tamién tenemos más xuegos nesta parte:
PORTABLE, NEL USB (Sin instalalo nel ordenador y sin conectase a Internet):
Primeru, has de cambiar el nome en opciones y dempués d'investigar un pocu, dir de llección en opción como en númberu de llección o nel tipo básicu, mayúscules etc.
Amás tien requexos como gráfiques, tiempu, etc..
20/10/16
Un convite. N'andecha o en sestaferia.
La pallabra "andecha" de la nuesa Llingua tien un significáu bien guapu y solidariu. Pa mí ye una de les coses perbones del carácter asturianu.
Como bien sabedes, trátase d'echar un gabitu a los demás col trabayu d'unu mesmo. Ye un trabayu coletivu en favor de daquién. A cambiu, sin obligación, el favorecíu por ello suel pagáte por esi llabor n'especies o n'otros favores que tú precises más alantre. Too ello por facer el bien a esos vecinos o persones que lo precisen.
La pallabra "sestaferia" trátase de facer un llabor en comuña pal beneficiu de toos. Nuna pallabra, trabayar pel pueblu (nun confundise y dicir "pol" pueblu, que nun ye lo mesmo). Nestu casu trabayamos toos por favorecenos a toos nosotros.
Pues bien, de pués de too esto, trato de convencer, convidar y facer lo posible pa que nesti Amagüestu daquién de los que taes lleendo esto, seaes quien davos cuenta que precisamos (los neños, yo y toos) que esi conocimientu que caún y caúna vosotros guardaes dientro tengaes a bien compartilo con toos.
Dicho d'otru mou.
Munchos de vosotros soes los espertos, los que más sabés, de .... cómo se facía tal o cual xuguete, de cómo xugabes a un xuegu que nun costaba perrona; y......compartilo, cuntalo, o enseñalo a los más mozos.
Ye una ocasión perbona pa que los escolinos acolumbren el saber que tienen los más vieyos en casa y valoren estos saberes.
¿Daquién de vosotros sabe facer un "riqui-raque" con ñueces, un palu y filu?
¿Daquién sabe dalgún cancíu de xuegos? Pase misi, Mambrú, la Virxen la Cueva (si ye posible n'asturianu)?
¿Daquién sabe cómo se facién moñeques coles fueyes les panoyes?
¿Daquién sabe cómo fabricaben xuguetes enantes?
Pues bien, ya taes tardando. Trátase de ser quien, de ser valientes y esi día de Magüestu osar, atrevese a enseñalo a los nuesos neños.
Pa too ello, tenés que dirixivos a la AMPA del Colexu y asina poder organizalo bien.
Anímovos a ello con tol enfotu. Tengo la seguranza que sedrá una esperiencia bien provechosa pa toos.
Gracies
Santiago
19/10/16
Aprender, deprender y estudiar...d'a fechu.
Entamo esti requexu onde los pas, mas y familia alcuentren abellugu y conseyu pa la educación de los sos fíos.
Anque ta en castellán sírvenos al casu pa lo más principal: el provechu de los nuesos escolinos.
Nesta páxina web que vos presento atopareis un camín bien provechosu pa la familia y pa los neños.
 |
| Pincha na semeya |
Nesta presentación, propóngovos que-y deis una güeyaduca a los conseyos pa los pas, mas y familia.
Nes selmanes vinientes trátase que, pocu a pocu y de a fechu, facer camín con caúna les estayes desta páxina.
Pergamin 18.- Conseyos pa pas.
Nes selmanes vinientes trátase que, pocu a pocu y de a fechu, facer camín con caúna les estayes desta páxina.
Pergamin 18.- Conseyos pa pas.
 |
| Pincha na semeya y atopa'l papiru. |
Los conseyos xenerales tan encaminaos a que los propios escolinos entren na páxina y descubran los pasucos a tener en cuenta.
Pergamín 1.- Conseyos xenerales.
Pergamín 1.- Conseyos xenerales.
 | |
| Pincha na semeya y atopa'l papiru. |
17/10/16
El nuesu primer cómic: "Un rapacín de Ranón"
Nesta ocasión, los escolinos de cuartu tuvieren trabayando col formatu'l cómic.
Espero vos preste tantu como a mín.
3/10/16
"Chalaneru"
Añu 1890.
Na chalana que travesaba'l ríu dende la oriella de
Pola Llaviana a Entralgo y Villoria
Na chalana que travesaba'l ríu dende la oriella de
Pola Llaviana a Entralgo y Villoria
Na Chalana Llaviana Añu 1905
Na Chalana. Llaviana 1905
Esti cancíu ye de los principales o, de los más afamaos de la nuesa tierra.
Equí vos dexo unes semeyes que vos faen ver lo que yera y lo que ye güei día.
Equí vos dexo unes semeyes que vos faen ver lo que yera y lo que ye güei día.
Ponte La Chalana Añu. 1900
"Chalaneru"
Chalaneru, chalaneru,
¿que lleves "ena" chalana?
Llevo roses y claveles
y el corazón d'una xana.
Si pases el puente
nun caigas al agua,
que los mios amores
son de La Chalana.
Son de La Chalana son,
son del pueblin chalaneru
que si la chalana se muerre,
muérrese'l pueblín enteru.
Si pases el puente
nun caigas al agua,
que los mios amores
son de La Chalana.
Na fonte La Nalona
hai una xana llorando
porque diz que nun la quieren
losmociquinos d'Entrialgo.
Si pases el puente
nun caigas al agua,
que los mios amores
son de La Chalana.
Interprétau por "Xentiquina" & Nacho Fonseca
Ponte La Chalana Laviana, añu 1896.
Esta versión desti canciu ye ún de los más sentíos y meyor interpretaos. !Que vos preste!
La xente diba bañase y pasalo perbién. A lo fondero vese la ponte La Chalana.
Equí vais poder echar una güeyada onde s'asitia esti acontecimientu tan señalau y onde ta la ponte La Chalana.
Tamién hai d'otres versiones desti famosu cancíu. Nesti casu trátase de Felpeyu con una versión bien allegre y prestosa.
N'alcordanza y la memoria de Carlos Redondo e Igor Medio (2.006)
Vraemente dos persones bien queríes.
.jpg)
Pela cai principal.
Nesta ocasión trátase de la xuntanza de los meyores intérpretes y músicos pa tocala. ¿qué vos paez?
Esti vídeo trata del "Descensu folclóricu del Nalón". Toi bien seguru que vos va llamar la atención. Tamién tengo la seguranza que taben pasándolo perbién los que nelli salen retrataos.
El Desfile
El Descensu
Suscribirse a:
Entradas (Atom)